1 SAMUELI 22:17 - Biblía Axweesantá Hhohho' ar Mungú 2004

¹⁷ Waawutmo xuumuuseedá' aa bihhaawós i sihhit gari báy, «Kaahamuuseesír AAKOÓ MUNGÚ harawarqawaak, tsu/aak, asma inooín axweesanti'ín a wak nee Daudi, slám adór Daudi ira goów, inooín ngi xuiyá', ngiri duqné'.» Ala sagadiyuusér waawutmo tana sií', kaahamuusér AAKOÓ MUNGÚ kawa tsu/i.

1 SAMUELI 22:17 Iomraidhean Croise

2 SAMUELI 15:1

Alaá kaangwihe Absalomu gaárirós gari sláy, nee farsuwo nee múk mibeeraá kooán in geeraawós wa ti'ii'ín.

1 WAAWITÁ 1:5

Qoomaadae Adonia garmoó Hagiti tina kilós xirfayeés iri oó', «Aníng a waawutmo daxta.» Gaarduuwós nee múk faras gu i tsa/ám guri amohhe'eés, nee múk mibeeri kooán i geeraawós wa ti'ii'ín.

1 WAAWITÁ 14:27

Kitángw gaambukae, waawutmo Rehoboamu gaambudaá muqslár sirdaa/aten gina tleéhh, nee giri haniís kiwa xun nee xuumuusér afkú doó waawutmo.

1 WAAWITÁ 18:4

Nee qoomaadá' Yesebeli iwa aaruusér AAKOÓ MUNGÚ tsu/, Obadia aaruusér tsiiruú wák gana lu/tá áy baraá mar'o, umuú mar'iro muu mibeeri kooán, nee giri muruú /aymár i huwahuúw nee ma'aá wahaango.)

2 WAAWITÁ 10:25

Qoomár Yehu ilahhooár da/a haniisaaro ngiwa hhe'eés, inós xuumuuse nee geeraharuuse sleémeero gari báy, «Dahé', sleémeero tsu/aak, tumu wák mu meetisaara' laqaá miwa /akuút.» Tari dáh nee paangaduuine kiri tsuú/ sleémeero, tu'uuín kiri tsee/áy kwaáhh. Naagáy tari dáh baraá tla/afidár doó sluufmisuú Ba'ali,

TI'INAANGW 1:17

Ala /ameenadá' /ameenár asla a'aw a /ameenár Munguú ilaiwawaa/, inooín adoodá' waawutmoó Misri ngaa báy ngaa tleehhi'iiká, asma na/aá daaqaay ngaa tsu/i'iiká.

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

1 SAMUELI 14:45

Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 2:31

Ga/aaweek, deelo ni xeér, ar aníng /uuruuwók nguwa hingees nee /uuruú doó baabuúwoge, tam dír do'oge hee i baloó dinka.

1 SAMUELI 20:33

Ala Saulo, Yonatan guri duquús ar lawaala, as nguwa gaasi. Yonatan gari tsaáhh adór baabuúwós ir tsuwa Daudi gaasár wa slai.

1 SAMUELI 22:13

Saulo guri yaahaás, guri báy, «Kuúng nee garmoó Yese aníng misa geewaaqaté'? Una mikaáteérí hanís, nee paánga, kuri alefirín dír Munguhe. Daxta aníng hamí iga aáhh, in gigidín.»

1 SAMUELI 22:16

Waawutmo iri oó', «Gám kuúng Ahimeleki nee múk doó baabuúwoge adór tawa pa/a' qatlooro iqo káhh.»

1 SAMUELI 25:17

Hám daxta kiíng kaangwí na alqaytsiteek, nee adór tleehhamooro ta alesleer na tleehheek. Asma gár tlaakw kaa tsabín daanduú aakoó doorene nee daanduú doorene. Nabali a heé tlaákw, tam heé axweesantá dirós ga qiítl i kaahh.»

1 SAMUELI 8:11

Iri oó', «Waawutmoó kuungá' nu sawaawuti'iím daharuú i kon a kwí, daaqayhúng gun ar tláy, guri qaás baraá gadiyér gaarduwós kudá' ta uuruxun, nee farasuwós kuri i tsa/án, inooín tari ti'ii'ín geeraá gaarduuwós wa ale.