1 SAMUELI 22:10 - Biblía Axweesantá Hhohho' ar Mungú 2004

¹⁰ Ahimeleki Daudi guri aleefirín dír geeraá AAKOÓ MUNGÚ, guri muruú /aymárí sláy, nee paángadár Goliati, heé Filisti gari haniís.»

1 SAMUELI 22:10 Iomraidhean Croise

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

1 SAMUELI 10:22

Tari kumiít AAKOÓ MUNGÚ yaahamisuuwo, «Heé aa meet i deéro oo naa amoorií hardihiiká?» AAKOÓ MUNGÚ giri mu/aywaáts, «Qaytsiít aa nahhaát baraá tla/eeraá xooslár taa burumbuúr.»

1 SAMUELI 21:10

Baalaadae Daudi ina goów as Saulo. Iri tláy amór waawutmoó ta bay Akishi, kuduú yaamaá Gati.

1 SAMUELI 22:11

Waawutmo muu guri ya/aáw, kaahamusmoó Mungú Ahimeleki, garmoó Ahitubu nguwa ateeti, nee múk guruú doó baabuúwose, kudaá kaahamuusér Mungú kudá' baraá Nobúr hootá', inooín sleémeero tari daqáy amór waawutmo.

1 SAMUELI 22:13

Saulo guri yaahaás, guri báy, «Kuúng nee garmoó Yese aníng misa geewaaqaté'? Una mikaáteérí hanís, nee paánga, kuri alefirín dír Munguhe. Daxta aníng hamí iga aáhh, in gigidín.»

1 SAMUELI 22:15

Ahaá laarí an wa'aá geeraawo án Mungú nguwa firiím as inós? Aasla'áy waawutámo kangwsíng mungu anír ditsaar, anuú sagadiyusmoowók tam múk guruú doó baabuúrén sleémeero, asma anuú sagadiyusmoowók kangwsíng sleémeero gár ni xuu' tam ar niiná i káhh.»

1 SAMUELI 23:12

Daudi iri oó', «Xáy, múk Keila aníng nee muk'eene in qaasiía baraá dabaá Saulo?» AAKOÓ MUNGÚ iri oó', «Tu qaas baraá dabaá Saulo.»

1 SAMUELI 23:2

Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 23:4

Daudi AAKOÓ MUNGÚ guri male firín, Aakoó Mungú Daudi guri mu/aywaáts, iri oó', «Tláw ay Keila, múk Filisti ngu dabaawok i qaás.»

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»