1 SAMUELI 21:9 - Biblía Axweesantá Hhohho' ar Mungú 2004

⁹ Ahimeleki guri báy, «Paángár ni koom a tidár heedaáduú Filisti ta bay Goliati, kudá' taa gás baraá xatstá Ela, hanoos diisír alu, kaa tseék baraá naifeéra. Tisíng bar slá', ar tlaweek, asma paángár hatlá' i káhh diirihe.» Daudi iri oó', «Paángár adór tisíng in qo káhh, áx kuúng haniisang.»

1 SAMUELI 21:9 Iomraidhean Croise

1 SAMUELI 17:2

Saulo nee múk Israeli tari burumburiít, xafayín kuri siíhh baraá xatstá Ela. Tiri amohhe'eesiyé' tawa slaqwi nee múk Filisti.

1 SAMUELI 21:8

Daudi Ahimeleki guri báy, «Xáy, paánga laqaá lawaala a koónda diirihe? Aníng niwa tláw paángar'eé' ngaa huwiiká tam xooslmoó hatlá' oo slaqwara, asma kangwduú waawutmo oo slahhaá' i gaanslár sla'amuut.»

1 SAMUELI 22:10

Ahimeleki Daudi guri aleefirín dír geeraá AAKOÓ MUNGÚ, guri muruú /aymárí sláy, nee paángadár Goliati, heé Filisti gari haniís.»

1 SAMUELI 31:10

Xosluuwós kudaá slaqwara kina qaás baraá doó Munguúín kudá' ta bay Ashtaroti, slaqwtós kari tarereé' gawaá gee/oó gixsár Bet-shani.