1 SAMUELI 20:8 - Biblía Axweesantá Hhohho' ar Mungú 2004

⁸ Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»

1 SAMUELI 20:8 Iomraidhean Croise

IIMU/UUNGW 24:49

Ala daxta aakooeé' u inkihhimu nee gan'amií tlehhá'a? Bar adooriheeká, ooare', án tidá' ni tleehh, a tleéhh.

IIMU/UUNGW 47:29

Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

2 SAMUELI 14:32

Absalomu guri báy, «Qaytsiít aníng nina amooroógi ya/abiím, niwa amor'eé' keer as aníng kuúng uwa ya/aaw amór waawutmo, kuwa yaahas, ‹Áx, gaa a milá ar aníng nisa tláw amór Geshuriro? Amor'eene i qoón aníng bara amoodií meét.› Hamí aníng ale/iisáng, waawutmo nguwa ar. Barnaxes a dakuúsár koóm, kár i gaasi.»

1 QOM'I 12:17

Daudi ngiwa ár gina al'áy, giri báy, «Kuungá' bar nina hardaté' as tawa mulqer'eé' nee iwa alee/isa', do' ló'wa awaare'. Ala kuungá' barnaxes aníng in geewaqatá' dír wakuuser'eene, tam aníng kuungá' na sadakuusiikahe, Munguú baabi'iirén i xumiis nee kuungá' nu iigahhaati.»

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

AXWEESANOÓ SAGALOOA 3:3

Hhooeema nee inkihhimu mi kwahhaar. Na dahaaseek gawaá istók í ale, nee gooimeek baraá muunaáwók i alé.

Tlehhema'aá ya/Abuuse 25:11

Ala án bar ana dakuús, laqaá gár tlaakw ana tleéhh, ar aníng niwa hariim gwa'araro, gwa'ara a siasiaaká. Ala /aymuuwí iwa sakwasleemutiya' bar loeeká, heé aníng i dabaaín i qaás i kaahh. Kwasleemar'eé' i waarahh amór waawutmoó múk Roma.»

YOSHUA 2:14

Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.

RUTI 1:8

Ala Naomi loohiro tlaawoó daaqaywós tsaraawo giri beér, «Kuungá' ki/é' umuú heewo amór aayírós. Nee AAKOÓ MUNGÚ nu hhooeemií tleehhi adoodá' kuungá' taa tlehhé' dír hhawaateehúng qoomár iwa slafiya', nee dir'eene sleeme.

1 SAMUELI 18:1

Qoomár Saulo axweesanto iwa hhe'eés nee Daudi, Yonatan garmoó Saulo Daudi guri ló'wa slaá' baraá muunaáwose, ar adoodá' inós tir kilós slai.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 20:16

umuú Yonatan masók ku baloó si'iiká baraá doó Daudiwo. Nee AAKOÓ MUNGÚ li/oó wakuusér Daudi ngu bui.»

1 SAMUELI 20:9

Yonatan iri oó', «Inslawaysíng kuúng u wa pa/i! Ar ló', bar geera a xuú', adór baabuúeé' ira tsabín kuúng uwa gár tlaákwí tleehhi, ala ngiqo oóaáke diroge.»

1 SAMUELI 23:18

Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.