1 SAMUELI 20:5 - Biblía Axweesantá Hhohho' ar Mungú 2004

⁵ Daudi Yonatan guri báy, «Matlo slahhaangw birinda ti'iít a deelór ur dír waawutmoowo, slamí i xu'utít aníng niwa iwiit dír meésár waawutmo tawa al/ayimaan. Ala áx lakiít anaá ala tláw, anaá ala nahhaát baraá qaymo ay bál tám tsiindo.

1 SAMUELI 20:5 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

WARA'AMI 55:12

Asma heé iga /ooslin a wakusmooeeneeká, geera bar inós aga qiítl, oo iga waqaa' a kudá' aníng iga aahhiiká, geera bar inós aga nahhaát as miwa ár.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

AXWEESANOÓ SAGALOOA 22:3

Heé sagaloó' bar gár tlaakw ngaa ár in goow iri nahhaat. Ala heé iimiboó/ in amoodá' i hi'iit, slahh'amuudá' guri /aay.

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Tlehhema'aá ya/Abuuse 17:14

Hamtidár kilae hhaeedá' Paulo nguri ádbayé' iwa gayuú hatlá' oo tláwtí waaraahhi. Ala Sila nee Timoteo niri Berearí meetiyé'.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

1 SAMUELI 19:2

Gawaá adorihe, Yonatan Daudi guri báy, «Baabuúeé' aa tsabín kuúng uwa gaasi. Gám ti harmagahh, matlaatleero dír tuwa slayká i nahhaateek.

1 SAMUELI 20:18

Yonatan Daudi guri báy, «As matlo tawa baalár ur ar slahhángw /abén niwa ti'iiti, muu gari ar tawa kahh, asma kitaangók heé gwaa i iwiit iwa kahhi.

1 SAMUELI 20:19

Slám ay balooqa kuúng bar káhh, daqaní kuúng ta nahhaata hhe'és didár aáng ti nahhát qoomár kangwsíng kuwa /abén, kuúng ta nahhát alaá ufuduú tlaa/eedá'.

1 SAMUELI 20:24

Naagáy Daudi iri nahhaát baraá qaymo, nee qoomár slahhaangw niwa ti'iít, waawutmo Saulo iri iwiít dír meésaarós iwa /ayin.

1 SAMUELI 20:27

Bál tsár alaá dinku'uumaadár muruú /aymár slahhaangw niwa ti'iít, naxés tam heé gawaá kitángw Daudi i male kaahh. Saulo garmaawós Yonatan guri yaahaás, «Ahaá Daudi, garmoó Yese mis naa hardihiiká dír muruú /aymaro, /isá nee laarihe?»

1 SAMUELI 20:4

Yonatan Daudi guri báy, «Umuúqo gár ta sla'a ooang án ngi kuúngií tleéhh.»

1 SAMUELI 20:6

Baabuúwók bar aníng iga ariiká dír meésarós tidár muruú /aymarose, kangw'eé' burungwa yaahaás, ku beér, ‹Daudi aníng iga harhheehhe'eés ya/aám ngiwa slay, as iwa amór gixsarós kay tidár Betilehemu, tawa dinku'uusi nee múk dooín, ilahhooar'ín ar muruú ta tsu/i tidár umuúqo kuru kawa haniisi.›