1 SAMUELI 20:42 - Biblía Axweesantá Hhohho' ar Mungú 2004

⁴² Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 20:42 Iomraidhean Croise

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

FAARO 6:26

AAKOÓ MUNGÚ nuwa hhooay nee nu waydií haniisi.›

Luka 7:50

Ala Yesu /ameenidá' gari báy, «Haratlintaaoorók iga ba/amís. Tláw ar wayda.»

Tlehhema'aá ya/Abuuse 16:36

Xuumusmooduú doó tseegamo axweesantadá' gari dír Paulo i oó', «Bariiseedár kwasleema muu ngwa ya/áp kuungá' tunduwa gweeri. Ala daxta ti'iité' tsee/a, tlawsé' ar wayda.»

1 SAMUELI 1:17

Aluuwo Eli gari báy, «Tláw ar wayda, nee Munguú Israeli i qáy tidá' ta sla'a, adoodá' kura firiiriín.»

1 SAMUELI 20:15

múk dooeé' mu mawaar kuwa hhooeemií tlehh ay kureerisleém. Nee tam bar AAKOÓ MUNGÚ wakuuseerók gaa hhaamiís sleémeero baraakaá yaamuwo,

1 SAMUELI 20:16

umuú Yonatan masók ku baloó si'iiká baraá doó Daudiwo. Nee AAKOÓ MUNGÚ li/oó wakuusér Daudi ngu bui.»

1 SAMUELI 23:18

Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.

1 SAMUELI 25:35

Daudi muruudá' sleémeero Abigaili i koon guri óh, gari báy, «Kiíng waátl amór do'ók ar wayda, ga/aaweek tidá' kiíng naa aníng beér aga axaás, nee firoorók aga ilaóh.»