1 SAMUELI 20:32 - Biblía Axweesantá Hhohho' ar Mungú 2004

³² Yonatan baabuúwós guri báy, «Asma waáy mukuhar gaas? Gár aa tlakweés a milá?»

1 SAMUELI 20:32 Iomraidhean Croise

IIMU/UUNGW 31:36

Yakobo iri tsatmiít buhhtaawo, Labani guri tlukún guri báy, «Dakuúsar'eé' a milá? Tlakweemaá naa tleéhh a milá ar án kuúng iwa adoorír /amatsegit?

AXWEESANOÓ SAGALOOA 22:24

Heé buhhta yaariír mu mulqi'iimár i tleehhaar tam ma alhi'iimitaara' nee heé xaraásl.

DAHARUSMO 7:9

Ma gaanslár buhhaar baraawoge, asma buhhta i baraá munér daktana.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

Matayo 27:23

Pilato iri oó', «Asma milá? Gár aa tlakweés?» Boo/aydá' tsimaahhiro iri ak buúhh, tari oó', «Kikieek gawaá msalaába.»

Luka 23:22

Pilato giri i axweés malé alé sagaáwa tame, iri oó', «Asma milá? Heewí tlakweemaá aa tleéhh a milá? Aníng gár gwa'arár wa hariim aga ariiká gawaá heewihe. Gawaá adoorihe aníng muxtaaro bura hhe'eés, u gweér.»

Yohana 7:51

«Ahaá, hara'ayarén hee gu sakwasleemúta, barnaxes axweesantós kaa axaasiiká geerií alé, nee barnaxes kaa xuiiká tidá' aa tleéhh?»

1 SAMUELI 18:11

Hamtidár kilae Saulo Daudi guri duquús ar lawaaladií kon ar dakós, ki/ima ngaa hhe'eés tsár inós ngiwa xui geeraawo gun koo/ír haramuut, ala Daudi lawaaladá' gana kwirhhiít ki/ima tsaraawo.

1 SAMUELI 19:4

Yonatan Daudi guri diidi'iís dír geeraá baabuúwose, guri báy, «Waawutmo tlakweema mingiwa tleéhh dír sagadiyusmoowós Daudi, asma inós kuúng ugwa gár tlaákwí tleehhiiká, iwa gadiyumamisi diroge a muruú hhó' gun tlehhahhiit.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 20:7

Bar aa oó', ‹I qoón.› Naagáy ka xú' adór anuú sagadiyusmoowók muruueé' ir qón. Barnaxes aa buúhh, daqaní gár daanduueene aa tsabín ka tlaakw.

1 SAMUELI 22:14

Ahimeleki waawutmo guri báy, «Baraá sagadiyuuseeroge heé adór Daudi a heemá oo inkihhimuú koóm, oo dasír waawutmoó koóm, kudá' sufuuwók gu xuú', kudá' ilaiwa/amér koóm dír do'oge.