1 SAMUELI 20:30 - Biblía Axweesantá Hhohho' ar Mungú 2004

³⁰ Saulo kaangwí nguwa axaás ina daa/atúy buhhtaawo amór Yonatan, guri báy, «Garmoó /ameenír barawasl nee iawasl, án kuúng un xúaáke adór garmoó Yese kura tsawát, as mure waslaywók nee aayoorók kawa murekes?

1 SAMUELI 20:30 Iomraidhean Croise

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

AXWEESANOÓ SAGALOOA 14:29

Heé buhhtaawo inslaahheeká tsaahhár yaariir ga kón, Ala heé buhhta inslaáhh daktu'uuma ga iiatleemiis.

AXWEESANOÓ SAGALOOA 15:2

Heé sagaloó' afkose gár i axweesi a muruú i xui, Ala afér daktana aqo daktu'uuma gan kát.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 19:19

Heé buhhta yaariír kun doohhamamiis, bar ugwa mak tú/ wa'aá wake ka xú' kuúng aqo malé kí/.

AXWEESANOÓ SAGALOOA 21:24

Heé daara/aám nee oo a dee/aanuut kun bay, «niqusmo.» Inós a heé hoót ar daara/aangw nee dee/anuwós.

AXWEESANOÓ SAGALOOA 25:28

Adoodá' doó aa koo/i huu' i dirii'i, an adór heé buhhtaawós ila/aro gi aleeslawaaká.

AXWEESANOÓ SAGALOOA 27:3

Tlaa/a ka mak iiloo', nee hhasaangw sleeme ku iló', ala daktu'uumár hee ka ak iiloo' ta muruuwí tsaraawo.

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Efeso 4:31

Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

1 SAMUELI 20:29

Aníng ina báy, ‹Xaa aníng a tláw, asma múk doorén ilahhooár muruú ta tsu/i ka haniisár áy baraá gixsár Betilehemu, nee hhiyaaeé' aníng iga harakeés niwa amor'íní haragwaa'. Adoorí bir qoón, gím kuúng geemawáng aníng niwa amór hhaee'eé' kaw. Bar aga ya/aán, aníng a tlaw hhaee'eé' i artá áw.› An gár is kahhi dír muruú /aymarír waawutmoowo.»

1 SAMUELI 20:31

Bar garmoó Yese iqo slafafín barakaá yaamuwo kuúng pa/ángw waawuti'iima u sleeraaká baraá yaamuukae, hamír kilá' tláw amor'eé' tí huwang, gár kus hhoó' aqo tsuwa gaasa.»