1 SAMUELI 20:3 - Biblía Axweesantá Hhohho' ar Mungú 2004

³ Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 20:3 Iomraidhean Croise

2 SAMUELI 15:21

Ala Itai waawutmo guri mu/aywaáts, «Adór AAKOÓ MUNGÚ ir hotaatina, nee kuúng tar daadeér, umuú dír taqo keera, barnaxes a baraá gwa'ara, laqaá baraá slafiingw, anuú sagadiyusmoowók aqo deer.»

2 WAAWITÁ 2:2

Eliya Elisha guna báy, «Gám na'ás diirí meeteek, asma aníng AAKOÓ MUNGÚ iga ya/aáw Beteli.» Ala Elisha iri oó', «Adoodá' AAKOÓ MUNGÚ ir hotaatina nee adoodá' kuúng tar slafa, ar looeemaawo aníng kuúng u baloó geexawaaká.» Naagáy tay alkoné' ay Beteli.

2 WAAWITÁ 2:4

Eliya Elisha guri báy, «Gám kuúng diirí meeteek, AAKOÓ MUNGÚ aníng iga ya/aáw ay Yeriko.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tay altláy ay Yeriko.

2 WAAWITÁ 2:6

Naagáy Eliya Elisha guri báy, «Gám na'ás kuúng diirí meeteek, AAKOÓ MUNGÚ iga ya/aáw ay yaaér Yordani.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tsaraawo tiri alkoné'.

WARA'AMI 116:3

Tsaxwaá gwa'ara ina harweeriyé', /aanta ngay da'ayuút, slahh'amu iga daawitamérár gaás.

YEREMIA 38:16

Waawutmo Sedekia lo'o gari geeraá Yeremia wa /aáy ar naaqo, iwa kaahi, «Adoodár AAKOÓ MUNGÚ ir hotaatina, aníng kuúng u gaasaaká, laqaá u dabaá múk u slahh'eemiís i qaasaaká.»

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

DABE 28:66

Hotaawók sleémeero tari baraá xure tlatla/aangw nee xweeraawo, an iwiiwít ar dae, nee amohhooa a sleeraaká baraá hotaawóge.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

1 SAMUELI 1:26

Hana Eli guri beér, «Aá aakooeé', adoodá' kuúng tar slafa, aníng an /ameenidá' naa dirók i tseewuur qoomár niwa sihhmiit, AAKOÓ MUNGÚ nguri firiím.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 20:2

Yonatan guri báy, «Gár adoosíng i pa/ diroge. A baloó gwa'aká. Ga/aaweek baabuúeé' gár i tleehhi i káhh, tam ka úr laqaá tam ka niiná, ar dir'eene i duqun, ala adór baabuúeé' tisíng ngir lu/i dir'eene a adoomá. Kangwsíng a loeeká.»

1 SAMUELI 20:4

Yonatan Daudi guri báy, «Umuúqo gár ta sla'a ooang án ngi kuúngií tleéhh.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»