1 SAMUELI 20:2 - Biblía Axweesantá Hhohho' ar Mungú 2004

² Yonatan guri báy, «Gár adoosíng i pa/ diroge. A baloó gwa'aká. Ga/aaweek baabuúeé' gár i tleehhi i káhh, tam ka úr laqaá tam ka niiná, ar dir'eene i duqun, ala adór baabuúeé' tisíng ngir lu/i dir'eene a adoomá. Kangwsíng a loeeká.»

1 SAMUELI 20:2 Iomraidhean Croise

IIMU/UUNGW 44:7

Ala inooín kuri báy, «Aáko, gár adoosíng kara ó' a milá? Atén sagadiyuuseerók kureeriwo gár adór tisíng a tleehhanaaká.

WARA'AMI 40:6

Kuúng ilahhooár muruú ta tsu/i nee ilahhooár hatlae i waatlakweemiská, iga iia fooxís gawaá tihe. Ilahhooár da/a nee ilahhooár tlakweema hingeemis kuúng a waatlakweemiská.

AXWEESANOÓ SAGALOOA 29:24

Heé nee fisusmo al'eemá' a slafiingós guna sií', Lo'ór heé ta gaa fiís bir ngaa axaás inós i gaa ooiiká.

ISAYA 50:5

Aakoó MUNGÚ iaaeé' gaa xawís, nee aníng aga dee/anutiiká dirose laqaá inós ugwa si'iiká.

Luka 20:16

In hardah, doosluuseedá' gari tsuu/, nee qaymoodá' gari múk hatlá' i haniis.» Kaangwí kuwa axaás tari oó', «Aasla'áy, kangwsíng miwa tleehharuút.»

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 17:8

Asma axweesanaydá' naa aníng i ó', aníng ugwa dir'íní oó', nee inooín kwaa ya/án, kari ló'wa xuú' adór amór i dahhi tar amoorók, kari haratlintií' adór án heé iga ya/aaw tar kuúng.

YOSHUA 22:29

Kangwsíng atén tiwa pa/i, oo atén niwa dee/aanutaan, nee niwa warqawaan dír AAKOÓ MUNGUHE, atén kitángw hatlá' oo ilahhooa kawa da/aa/an kuwa tleehhaan laqaá oo ilahhooár bu'uungw, laqaá oo ilahhooár muruú ta tsu/i ta kuduú AAKOÓ MUNGÚ, Munguúrén, oo baraá heémarósí dirií'.»

YOSHUA 24:16

Muu sleémeero tari oó', «Tisíng i amoosií pa/, atén mitiwa sleér, ar atén AAKOÓ MUNGÚ nguwa geexawaan sagadiyeede, nari munguaá hatlá' sagadiyér awaán.

1 SAMUELI 14:45

Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 20:12

Yonatan Daudi guri báy, «AAKOÓ MUNGÚ, Munguú múk Israeli, masók a lamabu'usmoorén, matlo qoomár adór tihe, laqaá balooqa, qaytsiít án baabuúeé' u yaahaás. Axweesantós barka hho' daanduuwoge aníng ngi qo oó'.

1 SAMUELI 20:3

Daudi iri oó', «Baabuúwók ga xuu', adór kuúng aníng ir slá', iri baraá muunaáwósí oó', ‹Kaangwí Yonatan munguwa xuú', miwa gurhamuút.› Looeemaawo adoodá' AAKOÓ MUNGÚ ir daadeér, nee adoodá' kuúng tar slaf, gwa'ara naa tseewuúr dir'eene.»

1 SAMUELI 9:15

Adór /isá'arose Saulo iwa dír Samueli hardihiiká, AAKOÓ MUNGÚ kaangwí guna geerií laqán dír Samueli,