1 SAMUELI 20:1 - Biblía Axweesantá Hhohho' ar Mungú 2004

¹ Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 20:1 Iomraidhean Croise

WARA'AMI 54:3

Asma hooma iga i haratleér, múk xaraásl i slafingw'eé' leelehhiit, inooín Mungú ngwa geerakawsi'iiká.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

1 Yohana 3:21

Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 19:1

Saulo garmaawós Yonatan nee mukduú sagadiyuuseerose giri i axweés adór Daudi kur gaasi. Ala Yonatan garmoó Saulo nee Daudi a mulqe kángw kilá' wa ale.

1 SAMUELI 19:18

Daudi iri goów, iri /akuút Rama amór Samueli. Kangwdá' sleémeero Saulo ngwaa /imiís guri dirós i alki/iít. Naagáy inós nee Samueli tari tláy ay dír ta bay Nayoti, tari amoodá' wa hoót.

1 SAMUELI 20:2

Yonatan guri báy, «Gár adoosíng i pa/ diroge. A baloó gwa'aká. Ga/aaweek baabuúeé' gár i tleehhi i káhh, tam ka úr laqaá tam ka niiná, ar dir'eene i duqun, ala adór baabuúeé' tisíng ngir lu/i dir'eene a adoomá. Kangwsíng a loeeká.»

1 SAMUELI 20:32

Yonatan baabuúwós guri báy, «Asma waáy mukuhar gaas? Gár aa tlakweés a milá?»

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 24:17

Saulo Daudi guri báy, «Kuúng an gan'amuú koón ta aninge. Kuúng aníng ina hhooeemií tléhh, ala aníng kuúng una gár tlaákwí tleéhh.

1 SAMUELI 24:9

Daudi Saulo guri báy, «Asma milá axweesanoó muu mus iiárií qamiín, oo káh, ‹Daudi kuúng u harieemuú wa slaa'?›

1 SAMUELI 26:18

Daudi iri kumiít axweesanto, «Asma waáy gár anuú sagadiyusmoowók is leelehhit? Gár naa tleéhh a umós? Gár tlaakw ar naa tleéhh a milá?