1 SAMUELI 2:9 - Biblía Axweesantá Hhohho' ar Mungú 2004

⁹ «Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.

1 SAMUELI 2:9 Iomraidhean Croise

YOBU 18:18

Kwa hingeés baraá gwa/aateemaawo, kuri kwaáhh baraá giwti, kuna guús kway saweés gawaá daanduú yaamuwo.

YOBU 40:13

Sleémeero tipeek baraá hhape, inooín sleémeero lu/eek baraá yaamu.

YOBU 5:16

Gawaá adoorihe, narkuute harahhifo ga koón, múk tlákw ku xasltis.

YOBU 5:24

Kuúng an baraá do'ók wa hót ar saxareema, muruú baraá matla/ángw do'ók bura xuxuár eér, aqo in sleémeeró wá deer.

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 105:37

Aakoó Mungú múk Israeli guri geerahaár tawa ti'iiti baraá yaamudae, nay tlayé', i peésár koná' nee sahaábu, sleémeero ki slaqo hho', i /uuruú koná'.

WARA'AMI 121:3

Kuúng u mayká tawa dat baraá tsaxwáy alé, inósuudá' u xumxaxuúm i gufisiiká.

WARA'AMI 121:5

AAKOÓ MUNGÚ an xuumusmoowók. AAKOÓ MUNGÚ i dakók oo doó /iyáy uwa aleeslaqwi.

WARA'AMI 121:8

AAKOÓ MUNGÚ kuúng un xún, qoomár bar ti'imít nee bar darát, iimír hamí ay kureeraá kureér.

WARA'AMI 145:20

AAKOÓ MUNGÚ kudaádá' sleémeero ngu sla'á' gin amohhe'eemiis, ala tlakuuse sleémeero gan qwaarees.

WARA'AMI 31:17

AAKOÓ MUNGÚ, án mitiwa mureekeés, asma án kuúng ugwa ateét, tlakuuse mureekeeseek, i xasliitiye' baraá gi'ií alé.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 94:18

Aníng niwa oó', «A huuhu'uúm,» sla'aarirók ar warqawaaká ina gáwtí koón, AAKOÓ MUNGÚ.

WARA'AMI 97:10

AAKOÓ MUNGÚ múk tlakweemaá ahhiít gu slaa', slafíngw heé hhoohhoó' gun xún, gin tuu/ gawaá dabaá múk tlakuuseero.

AXWEESANOÓ SAGALOOA 16:9

Hee muruuwós gun qoomees, Ala AAKOÓ MUNGÚ digir wakeetiingós gun boo/ees.

AXWEESANOÓ SAGALOOA 2:8

Loohír múk ganaá' gan de'én, nee mukós oo hhohhó' gun amohhe'eemiis.

AXWEESANOÓ SAGALOOA 3:26

Asma heé ta harahhif tawa AAKOÓ MUNGÚ, Inós ya'aawók gin de'én as gár tlaakw mingiwa kalaa/iyé'.

DAHARUSMO 5:17

Deelo sleémeero hotaawós an baraá giwti nee gurhaami, baraá wayaqaamu nee tiqtír slahh'emiis nee iwa buhhaabuhhi.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

ISAYA 27:3

Anuú AAKOÓ MUNGÚ an dooslusmoowós, umuú qoomaaro an ma'áy eemamiís, an xumxaaxuúm xweera nee tlaatla/aango, as hee mingiwa hhitár áy.

ISAYA 47:5

AAKOÓ MUNGÚ i kaahi, «Iwitanaangw i xasliteek, ta dát baraá giwti, kiíng dasír Kaldayo. Asma kiíng daxta a sangw waawuto'ór waawuti'iimarooká.

YEREMIA 8:14

Xaysé', gár ta daamaramaan diirihe? Burumburiité' baraá gixsadaá koo/i gawden ta hhaamaán baraadá'. Asma AAKOÓ MUNGÚ, Munguúrén gaa qoomeés atén tawa hhaamaan. Ta ma'aá qarkwí haniís asma kuwa sadakusaán.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

NAHUMU 1:8

Ala ar alwuoodá' wa/amiima, hotaá wakusmoowós gin qwaarees, wakuuseerós gari guus ay baraá giwti.

SEFANIA 1:15

Baalaadá' a baalár xarasleema Baalár slahh'amu nee waayaqamu, Baalár hhita nee hhaamisa, baalár giwti nee gurhaami, Baalár huunkáy nee ma/amír aa kiqit,

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 6:24

AAKOÓ MUNGÚ nu tsuuqi nee nu xun,

Matayo 8:12

Ala mukduú waawuti'iimarí kun kwaahh tsee/áy alé baraá giwti, an didá' tawa /aa/amin nee sihhina' kiwa qirirtlimiisi.»

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

2 Petro 2:17

Mukwí a adór kutloó aa /on, nee slám a adór huunkoó ta gusisin nee fur'a. Mungú hotangw'ín gwa amohhe'eés didár ma/amír wa ale.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Yuda 1:13

Inooín a adór gwaanduú tlawi, kudá' ila/aaro ta aleeslayká, mureewasler'ín ka geehhoo' adór sloorór gwaanduú baraá tlawi. Inooín a adór tsatse/uú tawó qwaqwadiím, kudá' dir'ín taa amohhe'eés baraá ma/ami ay alhhe'eesay wasle.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.