1 SAMUELI 2:8 - Biblía Axweesantá Hhohho' ar Mungú 2004

⁸ Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.

1 SAMUELI 2:8 Iomraidhean Croise

IIMU/UUNGW 41:14

Farao muu guri ya/aáw, Yosefu kuwa ateeti. Kunguri gaanslár huúw baraá doó tseegmór wa alé. Alaá daamoó ngiwa deéqw, nee tlabaawós ngiwa warqeés, iri dáh amór Farao.

IIMU/UUNGW 41:40

Kuúng a heé úr oo dooeé', nee an heé yaamueé' ngi geerahaár, nee muk'eé' sleémeero un sawaawuti'iín. Án kilooeé' tin úr diroge, asma niwa iwiít gawaá kitángw waawuti'iima.»

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 WAAWITÁ 16:2

«Kuúng Ba'asha, aníng una uráy haniís, uri waawutmoó muk'eé' oo Israelír wa qaás. Ala kuúng Yeroboamu una aleealús, muk'eé' oo Israeli kway baraá tlakweemí dahás, nee aníng iri buhhtisiyé' ar tlakweemaaín kudá'.

2 WAAWITÁ 9:6

Naagáy inooín tsaraawo tari dáh baraá tla/afi nee aarusmo Yehu guri saga di/tí tsiririxiís nee guri báy, «AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx as uwa waawutmoó wa qaás daanduú muk'eé' oo Israeli.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 2:8

Yobu parhhamtá qambeesmo gari taataáhh, iri iwiít baraá da/ara, tiri hhusliít ar parhhamtadá'.

WARA'AMI 102:25

Iihhafiirír yaamu aáng ana tléhh. Doori an gadiyér dabaawók.

WARA'AMI 104:5

Yaamu ina gawdés gawaá iihhafiiri, as mindiwa baloó dingitiyé'.

WARA'AMI 107:41

Ala narkuute gana ba/amís baraá slahh'amuuine, mar'eefooín giri doók adór daqtá bee/aangw.

WARA'AMI 24:2

Asma inós iihhafiirír yaamu gana qaás gawaá daanduú tlawi, gawaá yauuwo iihhafiirirós gana gawdeés.

WARA'AMI 75:3

Tam yaamu nee muruú baraadí dirií' sleémeero i dingitiye'. Aníng kilooeé' iihhafiirir'ín an gawdeés.

WARA'AMI 75:4

Kudá' naa daara/uutiye' ina báw, «Ma daara/aamara'.» Nee tlakuuse ngay báw, «Xoongirhúng ma tawo tleemisaara'.»

WARA'AMI 75:7

Ala Mungú an kudá' kwasleema ga tsaát, heewí gu niinawees nee kuqá' gu xirfayees.

DAHARUSMO 4:14

Tam inós aáng kwa tseegi nee hamí a waawutmo, laqaá tam kwa baraá narkwí laqwali, ala hamí waawuti'iima gay sláy.

ISAYA 22:23

Aníng inós un gawdeés adór kiki'ír ta slaáhh dír kawa saxmaár, nee waawuti'iimarós kari ilaiwawaa/ nee doó baabuúwós.

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 6:3

Alaá deelór niinawe Danieli kuri tsaáhh tawa heé inkihhimuú koóm baraá gadiyeede ta ak mukduú hatlá' sleémeero, kudá' taa geeraharu'uumár wa qaasi, asma Danieli inós a heé hhoó'. Gawaá adoorihe waawutmo guri slaá' nguwa waawuti'iima sleémeero ii haniisi.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 22:5

Xweera baraadae i kahhiyá'. Gwa/aateemaá tsaa'asi inooín gár kis yaahamiisi i káhh, tam gwa/aateemaá tsee/amá sleeme. Asma Aakoó Mungú an gwa/aateemaaín, nee inooín tari waawuti'ii'ín ay alhhe'eesay wasle.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»

1 SAMUELI 15:17

Samueli iri oó', «Tam geera kuúng tiwa ga/eer tu niinawe, xáy, taa ureésiíke tawa geeraharusmoó tlahh'aá múk Israeli. Nee AAKOÓ MUNGÚ uri iimbalaáx ar di/i tawa waawutmoó múk Israeli.