1 SAMUELI 2:7 - Biblía Axweesantá Hhohho' ar Mungú 2004

⁷ AAKOÓ MUNGÚ hee gun narkwií kwaahh, inós barakarka gari daqaari'itís, inós heeko gu niinawees kooko guri urees.

1 SAMUELI 2:7 Iomraidhean Croise

2 WAAWITÁ 9:6

Naagáy inooín tsaraawo tari dáh baraá tla/afi nee aarusmo Yehu guri saga di/tí tsiririxiís nee guri báy, «AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx as uwa waawutmoó wa qaás daanduú muk'eé' oo Israeli.

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

2 QOM'I 32:27

Waawutmo Hesekia iri daqaari'iít, umuú heewo guri ilaiwawaá/. Inós daqaari'iimár peésa gana tleéhh, nee sahaábu, nee tlaa/aá tlaxo gawden, nee tlaa/aá hatlae, nee muruú ta muruú /aymaárár tsuu'umiisi, nee gaambu, nee xooslaá hatlá' awa tlaxo gawden.

2 QOM'I 32:29

Sleeme gixsaduuwós giri tleéhh, inós hikwaá yaariir nee bee/aango gina sláy, asma Mungú inós guna tsuúq, guri daqaari'iimár yaariír i haniís.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 40:12

Umuúqo heé daara/aama i qaytsiteek ku gáwtá wá dáhh, múk tlákw yaamaá hara kalaa/eek didaadá' i dirii'iia.

YOBU 5:11

Múk liitlakwén gu /uurií dook nee kudá' tsuunqumiís gu waydií haniis.

WARA'AMI 102:10

Asma kuúng ana qa/ít buhhtaawo, ina dafít iri amorqá' saáw i kwáhh.

WARA'AMI 75:7

Ala Mungú an kudá' kwasleema ga tsaát, heewí gu niinawees nee kuqá' gu xirfayees.

WARA'AMI 75:8

Asma AAKOÓ MUNGÚ buhhtaawo aa qa/iít adór qwaree/amoó difaáiro aa haats, ar taa aleedoók ar muruú tsu/uút, inós gari wahaas ar múk tlákw ay dír ngay tsaanqasiya'.

AXWEESANOÓ SAGALOOA 22:2

Daqaarmo nee narkutmo ti slayá' ar gár wák, Tleehharusmooín an AAKOÓ MUNGÚ.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

YEREMIA 49:15

Ga/aawaak, aníng kuungá' nu bariwasleés baraá xoorduwo, tunduri waaqaaqaa'.

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

Yakobo 4:10

Ti niinaweese' dír geeraá Aakoowo, daqaní inós kuungá' nu ureemiis.