1 SAMUELI 2:5 - Biblía Axweesantá Hhohho' ar Mungú 2004

⁵ Mukdá' aáng muruú /aymár koóm aa lawaali'iít, as gár /ayma kawa slay, ala kudá' aáng qwariít hamí i aax, /ameenidár kampeeri na/aá faanqw gaa xwayluúr, ala inósadá' na/aá yaariir gi koom ina mét ar pakáy.

1 SAMUELI 2:5 Iomraidhean Croise

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

WARA'AMI 34:10

Tam na/aá diraangw i alná' niri qwariitiyá'. Ala kudá' AAKOÓ MUNGÚ ngu ilaiwawa/á' gár hhoo' ka dakumisiiká.

ISAYA 33:9

Yaamu i tsuunqumiisiyá' nee na kahiyé', Lebanoni ina qor'ót, iri kát, Sharoni ina adór xaanxaay tleehhít, nee loo/ór xaa'aá Bashani nee Karmeliro i páhh.

ISAYA 54:1

AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

YEREMIA 15:9

Aayoodá' na/aá faanqw gi koom i gwagwa'aán, i slaraará/, looaarós aa tla/ángw doorí dát. Inós kaa mureekeés, kari alsi'imúy. Mukdá' aa meet aníng ugwa haniís kuwa geeraá wakuuser'ín wa tsu/i. Anuú AAKOÓ MUNGÚ tí ngina oó'.»

Luka 1:53

Awa qwariitá' gaa aaxiís ar muruú hhó', nee daqaare gaa tawó ki/ís.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Galatia 4:27

Asma kaa gooín, «Kiíng qwalaá/, kiídár kampeeri, kiídá' aga laqwaliká, tseé' ar afór ur, qwalaá/, kiídá' slahha'amaayér xwayla gaa tsaqiká. Asma na/aá /ameenidá' hhawaatuú koomaaká ki yaariir, ta tidá' hhawaatuú kooma.»

RUTI 4:15

Garmaawí kiíng i /uuruú /abén i haniisi baraá uraywoge. Inós kiíng i /aymiisi baraá diimaywoge. Asma harér garmaawók, tidá' kiíng i slaa', diroge daaqoó faanqw gu bá/. Inós garmaawí guna xwayluúr.»

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.