1 SAMUELI 2:35 - Biblía Axweesantá Hhohho' ar Mungú 2004

³⁵ Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.

1 SAMUELI 2:35 Iomraidhean Croise

2 SAMUELI 7:11

Iimír bál mukduú har'ohuuse nguwa tsawaár tawa daanduú muk'eé' oo Israeli, aníng kuúng u xuúm dír wakuserók sleémeeroe. Ar tí sleémeero ga baa/ a tí, AAKOÓ MUNGÚ kuúng un babay, aníng kuúng u dó' i tleéhh.

2 SAMUELI 7:27

Aá AAKOÓ MUNGÚ Aleesleemusámo, Munguú múk Israeli, asma kuúng kaangwí ngwa geehhooés dír anuú lawaalmoowók, tari ó', ‹Án kuúng un dó' i tleéhh,› as adoorí an piíhh firor'eé' ngiwa oo' dír geeraawók.

1 WAAWITÁ 1:45

Kaahamusmo Sadoki nee aarusmo Natani, inós ngway di/tár iimbalaaxiyé' as tawa waawutmo amór Gihonír wa ale. Inooín nina didá' wa tlayé' ar bara/, tam gixsa iri ilaaót. An tsimaahhidá' taa axasé'.

1 WAAWITÁ 1:8

Ala kaahamusmo Sadoki, nee Benaya garmoó Yehoyada, nee aarusmo Natani, nee Shimei, nee Rei, nee xuumuusér Daudi, mukwí a dinkwaarooká nee Adonia.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

1 WAAWITÁ 2:35

Aluuwo waawutmo Solomon Benaya garmoó Yehoyada guri qaás tawa geeraharusmoó slaqwaruuseerós kitángw Yoabu wa alé. Sadoki guri qaás tawa kaahamusmo kitángw Abiatari wa ale.

1 QOM'I 29:22

Baalarihe tana /ayín nee tari wahán ar qwal/aamaye dír geeraá AAKOÓ MUNGÚ wa ale. Solomon ngway iimbalaaxiyé' ar di/i sagá wa tsare ar umuú AAKOÓ MUNGÚ as tawa waawutmooín, nee Sadoki tawa kaahamusmoó Mungú.

WARA'AMI 18:50

Mungú waawutmoowós gu arba/atír úr i hanmiis, heewós kudá' aa tsawaár gun sla'aarirós i laqán, eeít, gan laqán dír Daudi nee xwaylarós ay kureeraá kureér.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

TI'INAANGW 1:21

Nee /ameenadá' /ameenár asla a'aw as tawa /ameenár Munguú ilaiwawa/, Mungú giri xwaylár i haniís.

ESEKIELI 34:23

Aníng de'eemusmoó wák un qaás as ngiwa de'en, waawutmoó adór sagadiyusmooeé' Daudi un qaás. Inós gin /aymiis nee tari de'eemusmooín.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:9

Saulo dír Samueli ngiwa sa geexáy Mungú muunaáwós guri /abeés, naxés slaqsi'iidá' sleémeero niri geehhoouyé' baalaadár kilae.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 2:36

Umuúqo heé aa meeti dír do'oge in tláy iri tumbarara'aat dír geeraá kaahamusmooeé', guri firín peésár niinawe, nee muruú /aymaaro iwa ooi, ‹Na'ás qaasáng baraá pa/ángw wák oo gadiyér kaahamusi'iima as muruú /aymár niiná nguwa slaw.› »

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.

1 SAMUELI 3:1

Aluuwo garmaadá' ta bay Samueli AAKOÓ MUNGÚ guna sagadiyuús dír Eli wa ale. Deeloodae axweesantá amór AAKOÓ MUNGÚ daahh ina ilatlakuúr, tam iigu'utu sleeme ina ló'wa /aarúy.

1 SAMUELI 7:9

Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.

1 SAMUELI 9:12

Inooín kiri mu/aywaáts kiri báy, «I deer, hanoos i geerahúng, haraquutlé' hamí, asma laarí ilahhooár muruú ta tsu/i ka kón dír kitangwduú ilahhooa oo gawaá gongoamo.

1 SAMUELI 9:13

Bara sadaté' baraá gixsa, aqo un adaá aandá', dír ira amoodár gáwtí tsa/anká iwa /aymár ay. Asma muu i /ayinká ay dír inós i hardihi, asma inós an heé muruudá' taa ilahhooár wa tsuú/ gu tsuúq, daqaní múk aáng taa dahi'ís iri /ayín. Gimsé', tsa/amé' hamí, asma qoomaarí an qoomár kuwa adaá aanda'.»