1 SAMUELI 2:28 - Biblía Axweesantá Hhohho' ar Mungú 2004

²⁸ Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?

1 SAMUELI 2:28 Iomraidhean Croise

2 SAMUELI 12:7

Natani Daudi guri báy, «Heé tlehhmuuwí an kuúng! Hám daxta AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx ar di/i as tawa waawutmo, uri tuú/ gawaá dabaá Saulowo.

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 28:4

Tlabaá ta tleehhi a kuká': Tlakwayduú gawaá da/eewo nee naifeéra nee hiyoó ququmaár, nee hiyaydá' tleér taa qaalín, nee kofiyá nee himuú afeetlo. Tlabaaká' hhiyaawók Aroni nee daaqaywose kin dahamiis as kahhó' tawa kaahamuusér aníng i sagadiyuus.

TI'INAANGW 30:7

Umuúqo matlaatleero qoomár Aroni bir tsaa'asór da/tá áy, ilahhooár mooyángw tsuú' gan gawaá kitaángwí da/tá áy.

TI'INAANGW 30:8

Qoomár tsiindoowo bira tsaa'asór da/tá áy ilahhooarír mooyángw tsuú' gan daa/ sleeme. Ilahhooarír mooyángw tsuú' koom an hanmisá' dír AAKOÓ MUNGÚ umuúqo qarto ay qari sleémeero.

TLAHHOÓ LAÁWI 2:10

Ilahhooarír da/a taa haniís dír AAKOÓ MUNGÚ ka ló'wa hhoohhoo', nee bartadá' aa met kan haniis dír Aroni nee daaqaywós.

TLAHHOÓ LAÁWI 2:3

Bartadá' aa met baraá ilahhooarír da/ato ar Aroni nee daaqaywós. Asma ilahhooarí taa haniís dír AAKOÓ MUNGÚ ka ló'wa hhoohhoo'.

TLAHHOÓ LAÁWI 6:16

Puuruú aa meet kaahamusmo Aroni nee daaqaywós ngun /ayiyá', ngun didá' hhoohhoo' ar baraá afeenár heémár Mungú wa /ayiyá', ala ku sluuftisiiká.

TLAHHOÓ LAÁWI 7:32

Yaaér doó /iyáy ar alu ar sleedár ilahhooár wayda an kaahamusmoó Mungú i hanisá'.

TLAHHOÓ LAÁWI 7:36

Bál kiwa paraátl, kiri iimbalaáx ar di/i, AAKOÓ MUNGÚ xoorór Israeli gana hara'ayín baraá ilahhooar'ín tidár da/to muruuwí kuwa hanmiisi dír kaahamuuse tawa gar'ín kureerisleém baraá qari sleémeero.»

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 18:19

«Muruudá' sleémeero hhohhó' oo múk Israeli ni aníngí hanmiisi, aníng ngu kuúng i haniís, nee daaqaywók nee dasuuwók as tawa hariímar'ín daqisleém. Gaarí an alqadór alhhe'eesay wasl dir'eene nee diroge nee dír xwaylaroge.»

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 2:18

Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.