1 SAMUELI 2:18 - Biblía Axweesantá Hhohho' ar Mungú 2004

¹⁸ Masoomo Samueli AAKOÓ MUNGÚ guna sagadiyuús. Inós tsitoó ta babay naifeéra oo taa tleéhh ar kitaáni gun dahmaamiis.

1 SAMUELI 2:18 Iomraidhean Croise

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

1 QOM'I 15:27

Daudi hiyoó taa tleéhh ar kitaáni guna dahaás, nee múk tlahhoó Laáwiwo kudá' sandakmoó alqadór loohiís nee daauuseero nee Kenania, geeraharusmoó daauuse. Daudi sleeme naifeéra gana dahaás ar taa tleéhh ar kitaáni.

TI'INAANGW 28:4

Tlabaá ta tleehhi a kuká': Tlakwayduú gawaá da/eewo nee naifeéra nee hiyoó ququmaár, nee hiyaydá' tleér taa qaalín, nee kofiyá nee himuú afeetlo. Tlabaaká' hhiyaawók Aroni nee daaqaywose kin dahamiis as kahhó' tawa kaahamuusér aníng i sagadiyuus.

TLAHHOÓ LAÁWI 8:7

Naagáy Aroni guri tsiitiís ar hiyaay, guri himuú afeetló i tseék, nee guri hiyoó niiná i dahaás, guri tsiitiís ar naifeéra, gari tseék gawaá afeetlo ar himuudá' taa parootuús.

1 SAMUELI 14:3

Ahiya garmoó Ahitubu, hhiyoó Ikabodi, garmoó Finehasi, garmoó Eli kaahamusmoó AAKOÓ MUNGÚ, oo baraá gixsár Shilo, hiyoó saaliingw guna dahaás. Slám mukwí gaa xuiiká adór Yonatan ira tláy.

1 SAMUELI 2:11

Aluuwo Elkana iri waátl amór do'ós baraá yaamaá Rama. Na/aydá' AAKOÓ MUNGÚ guri sagadiyuús dír geeraá Eli wa ale, kaahamusmoó Mungú.

1 SAMUELI 2:28

Múk do'ós una tsawaár baraá tlahh'aá Israeli sleémeero tawa kaahamuuser'eé', iwa tsa/ana' didár kitángw ilahhooa kawa hanmamisi, nee mooyágw tsuú' nguwa tleesiyá' nee hiyaydá' ta bay naifeéra nguwa dahamisiya, dír geeraaeé' wa ale. Ahaá aníng ilahhooa sleémeero ar xoorór Israeli naa hanís dir'eéní ale ar loohír da/a/aangw aga hanisikáhe dír múk doó baabuúwók?

1 SAMUELI 22:18

Waawutmo Doegi heé Edomu guri báy, «Kaahamuuseesír Mungú harawarqaweek, tsu/eek.» Doegi heé Edomu, kaahamuuseedá' gana i warqáy tsu/taro. Baalaadae kaahamuuseedár naifeéra ngaa dahas ar taa tleéhh ar kitaáni a mibeeri dakaát nee kooán, sleémeero giri tsuú/.

1 SAMUELI 3:1

Aluuwo garmaadá' ta bay Samueli AAKOÓ MUNGÚ guna sagadiyuús dír Eli wa ale. Deeloodae axweesantá amór AAKOÓ MUNGÚ daahh ina ilatlakuúr, tam iigu'utu sleeme ina ló'wa /aarúy.