1 SAMUELI 2:10 - Biblía Axweesantá Hhohho' ar Mungú 2004

¹⁰ Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»

1 SAMUELI 2:10 Iomraidhean Croise

2 SAMUELI 22:14

AAKOÓ MUNGÚ ina kududuhuút iimír gawaá doorí wa alé. Inoosuudá' gáwtí dirií' iri ilawaáts.

2 SAMUELI 7:13

Na/aywí an kudá' do' gu tleéhh as umuueé', nee kitaangós kuduú aleesleemu oo waawuti'iimarós un gawdeés ay kureerisleém.

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

WARA'AMI 20:6

Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

WARA'AMI 21:1

AAKOÓ MUNGÚ, waawutmo /uuruudá' taa hanís gu sa qwalalaa/, i ló'wa qwalalaa/ as alee/isaywók.

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

WARA'AMI 89:17

Kuúng an /uuruuín oo úr, nee as sla'aariroge atén /uuruú arba/ati ugwa slawaán.

WARA'AMI 89:24

Inkihhimuueé' nee sla'aarir'eé' ar warqawaaká ginar hoot, inós umuú daqto arba/tír ur ga sláy ar umuueé'.

WARA'AMI 89:25

Aníng dakós oo waawuti'iima un qaás gawaá yaamu sleémeero nee tlabeemo, nee dakós oo doó /iyáy un qaás gawaá yau.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

ISAYA 29:6

AAKOÓ MUNGÚ Aleesleemusmo kiíng i alee/iis ar kwarara/a nee kunseeli nee afór ur, nee ar bambaao nee duki nee tsángw asla oo /ayiím.

ISAYA 32:1

Ga/aawaak, waawutmooko i waawuti'ín ar adór ganaa', nee geeraharuuse muu guri geeraharahát ar loohír ganaa'.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ESEKIELI 29:21

«Baalaadae, múk Israeli u /uurií qaás, nee kuúng Esekieli uri /uurií haniís tawa axwes baraá tla/angw'ine. Daqaní inooín ngiri tsaahhiyá' adór aníng tar AAKOÓ MUNGÚ.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

1 SAMUELI 12:13

«Ala hamí ga/aawaak waawutmoó taa tsawdé' nee oo taa slaé' ga/aawaak, AAKOÓ MUNGÚ waawutmohúng ngwa qaás.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:18

Naagáy Samueli AAKOÓ MUNGÚ guri firín, AAKOÓ MUNGÚ baalaadae kwarara/a nee tluwaay ngiri huúw, muu sleémeero AAKOÓ MUNGÚ nee Samueli kiri da'ayuút kángw kilá' wa ale.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 16:1

AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 7:10

Qoomár Samueli iwa ilahhooadár da/tá hanmisi, xoorór Filisti iri tseewuúr dír xoorór Israeli, as kawa tsitsiihhi, ala AAKOÓ MUNGÚ iri slaáqw ar kwarara/ár yaariir amór múk Filistirí ale baldae, giri amoqwaareés. Xoorór Filisti kari tlatlahhaás dír geeraá xoorór Israelír wa ale.