1 SAMUELI 2:1 - Biblía Axweesantá Hhohho' ar Mungú 2004

¹ Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.

1 SAMUELI 2:1 Iomraidhean Croise

2 QOM'I 20:27

Naagáy muu sleémeero oo Yuda nee oo Yerusalemuro, dinkwa nee waawutmooín Yehoshafati, tay kií/ Yerusalemu ar qwala/, asma AAKOÓ MUNGÚ inooín gina aleesleemuú i haniís oo tawa qwalaala/i daanduú wakuuser'ine.

NEHEMIA 11:17

nee Matania garmoó Mika, garmoó Sabdi, xwaylár Asafu kudá' firór ilahhooa ga geeraharahaár. Nee Bakbukia a ale/iisusmoowós, dinkwa nee inooine awa hatlá' a Abda garmoó Shamua, garmoó Galali, xwaylár Yedutuni.

YOBU 16:15

Aníng guniyadu iga tsiít as niwa tsuunqumiis, taa qaroó baál, aga iwiít baraá hhape.

WARA'AMI 118:14

AAKOÓ MUNGÚ an /uuruueé' nee daa'angw'eé', inós ina ba/amís.

WARA'AMI 13:5

Ala aníng sla'aarirók ar warqawaaká aga harahhiíf, nee muunaáeé' ba/amaarók ga saqwalalaa/.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 20:5

A qwalaala/aán as daanduú arba/atír amoorók daahh. Nee tari baraa/aán umuuwós kuwa xirfayeemisaan. AAKOÓ MUNGÚ tidá' sleémeero kuúng ta firiin ngi haniisi.

WARA'AMI 21:2

Tidá' muunaáwose i slai aga hanís, tidá' afkose aa firín aga /itiindiiká.

WARA'AMI 35:9

Aníng AAKOÓ MUNGÚ u sa qwalaalaá/ nee ba/amaarós an sa baraá/.

WARA'AMI 51:15

Aá Aáko, afkwe'eé' waatleeseek, xirfuuwók nguwa alki/iit.

WARA'AMI 71:8

Afkwe'eé' i haats xirfuuwoge, nee xirfuuwók un waahhamiím tlaatla/aangw sleémeero.

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 89:17

Kuúng an /uuruuín oo úr, nee as sla'aariroge atén /uuruú arba/ati ugwa slawaán.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

WARA'AMI 89:24

Inkihhimuueé' nee sla'aarir'eé' ar warqawaaká ginar hoot, inós umuú daqto arba/tír ur ga sláy ar umuueé'.

WARA'AMI 9:14

Asma xirfuuwók sleémeero nguwa alki/iit, dír afér gixsár Yerusalemuwo. Ba/amarók an sa qwalaalaá/.

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

TI'INAANGW 15:1

Naagáy Mose nee xoorór Israeli AAKOÓ MUNGÚ kuri daa'angwí daá', «AAKOÓ MUNGÚ un sa daá', asma aa ló'wa xirfuút, faras nee mukdá' gi madiita gaa kwaáhh baraá tlawi.

TI'INAANGW 15:21

Miriamu daa'aangw guri ót, «AAKOÓ MUNGÚ sa daa'aak, asma ina baalín ar xirif. Faras nee mukdá' gwaa i tsa/ani gaa kwaáhh baraá tlawi.»

HABAKUKI 3:1

Kaangwí an firór aarusmo Habakuki.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

DABE 33:17

Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.

1 SAMUELI 1:7

Kaangwí ina kumaamiít umuú kurko, umuúqo qoomaaro Hana bir amór doó AAKOÓ MUNGÚ keér, Penina gan alkomkakoón tlukuungo. Hana iri /aa/amamiín, tam muruú /ayma gu /aa/akká.