1 SAMUELI 19:9 - Biblía Axweesantá Hhohho' ar Mungú 2004

⁹ Qoomár Saulo iwa dír do'ós i dirii'i i lawaalár kón dakose, qeeruudá' tlaákw oo neetlaame kudá' AAKOÓ MUNGÚ aa ya/aámárí haniís guri áy, qoomaadae Daudi i daa' ar gidaandoori.

1 SAMUELI 19:9 Iomraidhean Croise

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

1 SAMUELI 16:14

Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.

1 SAMUELI 16:15

Sagadiyuusér Saulo, Saulo guri beér, «A xuaán hám qeeruudá' tlaákw oo Mungú naa ya/aámárí haniís dirógí ale daxta kuúng u dawiitimiis.

1 SAMUELI 16:16

Hám daxta, kuúng aakoorén, sagadiyuuseerók ya/aaweek, hee kungu leeleehhi oo gidaandoori slahhto ga baál, qoomár qeeruudá' tlaákw tinda ya/án nee Mungú bura i hardáh, daqaní heewí daa'aangw ngun slaahh ar gidaandoori kuúng ba/aay kuri sleér.»

1 SAMUELI 19:8

Aluuwo slaqwara nina male /awuúr, Daudi iri tláy, iri slaqwarár áy dír múk Filisti, guri ló'wa tsu/aa/ín, oo yaariír kuri hhaamiís, nee oo aa meet iri goów.

1 SAMUELI 22:6

Saulo lama gari sláy ar adór Daudi nee mukdá' ti alkoomá' kira ár nee muu. Looarka wake Saulo i Gibeár i dirii' dír kitángw ilahhooa ki hanmamisi oo gawaá dindirmo. Aa iwiít dír gamuú ta/eewi. I lawaalár kón dakose, nee sagadiyuuseerós sleémeero ta sihhimiit, inós kwaa harweér.