1 SAMUELI 19:7 - Biblía Axweesantá Hhohho' ar Mungú 2004

⁷ Naagáy Yonatan Daudi guri ateét, umuú gaaro gari alki/iít dír Daudi. Yonatan Daudi guri huúw amór Saulo, Daudi iri malé kií/ baraá gadiyeérós adoodár aáng.

1 SAMUELI 19:7 Iomraidhean Croise

IIMU/UUNGW 31:2

Yakobo gana tsaáhh, adór Labani inós ngur gaárí xuiiká adoodár geeraá wa alé.

1 QOM'I 11:2

Qoomaadá' Saulo tawa waawutmo, kuúng slaqwaruusér Israeli ana geerahát baraá slaqwaraaro. Nee AAKOÓ MUNGÚ, Munguúwók kuúng uri báy, ‹Kuúng a de'eemusmoó muk'eé' oo Israeli, nee kuúng tari geeraharusmoó muk'eé' oo Israeli.›

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

1 SAMUELI 16:21

Naagáy Daudi iri daqáy amór Saulo, iri sihhiít dír geeraawós, guri sagadiyuús. Saulo guri waatlakweés kángw kilá' wá alé, guri tsawaár tawa heé xooslaarós ar slaqwara ga amohhe'eemiís.

1 SAMUELI 18:10

Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 18:13

Gawaá adoorihe Saulo Daudi guri hingeés dirose, tari geeraharusmoó slaqwaruusér múk kumuú wák kilós, ala Daudi slaqwaruuserós tí gana geerahaár ar adór qoom baraá slaqwaraaro.

1 SAMUELI 18:2

Iimír baalaadá' Saulo Daudi guri ar waátl amór do'ós, gwa ya/anká iwa ki/i amór doó baabuúwós.

1 SAMUELI 19:6

Saulo axweesantá Yonatan gari iiarií qaás, Saulo iri tsabín, iri oó', «Ar adoodá' AAKOÓ MUNGÚ ir daadeér, Daudi ku gaasiiká.»

1 SAMUELI 19:8

Aluuwo slaqwara nina male /awuúr, Daudi iri tláy, iri slaqwarár áy dír múk Filisti, guri ló'wa tsu/aa/ín, oo yaariír kuri hhaamiís, nee oo aa meet iri goów.