1 SAMUELI 19:5 - Biblía Axweesantá Hhohho' ar Mungú 2004

⁵ Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»

1 SAMUELI 19:5 Iomraidhean Croise

2 SAMUELI 23:10

Ala Eleasari ina /aátl tawa slaqwi nee múk Filisti. Dakós iri gan'aasárií xasliít as iwa slahhaá', slám amorqae i paángarós kón. Baalaarihe, AAKOÓ MUNGÚ baalír ur gari sláy. Alaá iwa baalín, múk Israeli iri kií/ ay dír aáng Eleasari i dirii'i, as haasaánguú tawo oo múk Filisti, kudá' taa tsuú/, nguwa leehhiyé'.

1 QOM'I 11:14

Ala Eleasari nee Daudi tari baraá tla/ángw qaymoodá' wa siinootín as tawa slaqwi, nee múk Filisti kuri tsuú/, AAKOÓ MUNGÚ giri tuú/, giri baalír úr i haniís.

1 QOM'I 11:18

Aluuwo miguuseedá' tám tari tláy tay waaraáhh ar baraá tla/ángw xafoó múk Filisti, ma'aay ngay iihheekiyé' baraá hhaalangwduú Betilehemúr wa ale, ngay huwiyé' amór Daudi. Ala inós ma'aydá' gaa wahiiká. Ma'aydá' gina ku'uús as tawa ilahhooa dír AAKOÓ MUNGÚ,

WARA'AMI 109:5

Hhooeemaeé' kin tlakweemaaín ar bu'ún, nee sla'aarir'eé' kan aahhir'ín ar bu'ún.

WARA'AMI 119:109

Slafingw'eé' i baraá tsaxwa umuú daqto, ala dabeerók a gunqareesaaká.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 69:4

Múk aníng i tawo ahhiít ku yaariír tam se'éngw sagw'eé' ba/a. Múk aníng i gaasár wa slaá' i ló'wa /uuruú kón, kudá' aníng i hara/uuntsimá' ar lama. «Gár naa fiisiikahe gár ni buu'?»

WARA'AMI 94:21

Kudá' múk ganaá' gu tsu/utár wa slaá', kudá' múk dakuús wásl gu sakwasleemár gwa'arár i tlaáq.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

YEREMIA 26:15

Kár ala, adoorí xu'uti hhe'eesaak, barnaxes aníng iga gasé', kuungá' kiloohúng taa lo'ór ar eeré', as tseerér heé dakuús wásl kawa ku'usé', nee gixsarí aga lo'ór ar eeré', nee múk baraakae. Asma ar tsuwa ló', aníng AAKOÓ MUNGÚ ina ya/aáw as kaangwí ta axasé' nguwa baraá iaahúngí oo'.»

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Matayo 27:4

giri báy, «Aga dakuús, asma heé tlakweemaá koomaaká nguwa sakií/.» Inooín tari oó', «Gár atén ti huuw gawaá tisinge a milá? Kangwsíng a kók.»

Yohana 15:25

Adoorí ina tleehharút as /aymuudá' taa gooín baraá hara'ayar'ín iwa boo/i, kudá' káh, ‹Aníng ina tawó aahhiyé'.›

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Filipi 2:30

Asma inós ina dáh baraá tsaxwa, iri nakaá/ gwa'araaro as gadiyér Kristo, as aníng iwa alee/iisi, alee/isaydá' kuungá' taa harslaaqaté'.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

HAR'OHUUSE 12:3

Qoomár aníng ngiwa tsaáhh adór kuungá' ira sié' tu/uto, tsamuúeé' una tluú', niri slaqwarár áw, AAKOÓ MUNGÚ múk Amoni nguri qaás gawaá dabaaeé'. Asma milá laarí aníng nee kuungá' gár tas slaqwaan?»

HAR'OHUUSE 9:17

Baabuúeé' hhiintluuwós gwaa lak qwaareés as kuungá' nuwa aleeslaqwi nee nuwa tu/i gawaá dabaá múk Midiani wa aleeró.

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 14:45

Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 19:6

Saulo axweesantá Yonatan gari iiarií qaás, Saulo iri tsabín, iri oó', «Ar adoodá' AAKOÓ MUNGÚ ir daadeér, Daudi ku gaasiiká.»

1 SAMUELI 20:32

Yonatan baabuúwós guri báy, «Asma waáy mukuhar gaas? Gár aa tlakweés a milá?»

1 SAMUELI 22:14

Ahimeleki waawutmo guri báy, «Baraá sagadiyuuseeroge heé adór Daudi a heemá oo inkihhimuú koóm, oo dasír waawutmoó koóm, kudá' sufuuwók gu xuú', kudá' ilaiwa/amér koóm dír do'oge.

1 SAMUELI 28:21

Ala /ameenidá' ina amór Saulo keér, Saulo nguwa aán aa gwaá' de'eero, guri beér, «Ga/aaweek anír sagadiyuso'oorók kuúng una iiárií qaás, slafingw'eé' una baraá tsaxwií dahás, as adoodá' aníng kuúng iwa beér adoosíng tleehhang.