1 SAMUELI 19:23 - Biblía Axweesantá Hhohho' ar Mungú 2004

²³ Saulo iri tláy amdár Nayoti baraá yaamaá Rama. Iwa amoodií hardáh, Qeeruú AAKOÓ MUNGÚ guna i hardáh, inós sleeme aari gari iimu/ún qoomár iwa baraá loohírí kahhi, garwa hardáh ay Nayoti baraá yaamaá Rama.

1 SAMUELI 19:23 Iomraidhean Croise

AXWEESANOÓ SAGALOOA 16:9

Hee muruuwós gun qoomees, Ala AAKOÓ MUNGÚ digir wakeetiingós gun boo/ees.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

FAARO 23:5

AAKOÓ MUNGÚ axweesani gari oó' dír Bala'amu ar i ooár ay dír Balaki.

FAARO 24:2

Bala'amu iwa qaytsiít amór múk Israeli, xafay'ín ngwa tleehhiyé' ar tlahhi'i. Qeeruú Mungú Bala'amu guri hatsiís.

Matayo 7:22

Baldá' múk yaariír aníng i bay, ‹Aáko, Aáko, atén aga ariirimániíke ar umuuwók, nee neetlaame aga gusisimániíke ar umuuwók, tam muruú yaariír oo waa/oo/amo ugwa tlehhiitániíke ar umuuwók, kudá' naa aténií hanís.›

Yohana 11:51

Kayafa /aymuuwí inós kilós gwa ooiiká. Ala inós kurkudae a kaahamusmoó úr oo Mungú. Gawaá adoorihe axweesantós tí a aari adór Yesu ir gwaá' as daanduú xooroorí.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:12

Heé wák oo yaamuudá' iri oó', «Mukwí baabuúín a heemá?» Gawaá adoorihe kan axweesantá bó/ ar aaín, «Xáy Saulo sleeme a aarusmoówo baraá aaruuseero.»

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 18:10

Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 19:18

Daudi iri goów, iri /akuút Rama amór Samueli. Kangwdá' sleémeero Saulo ngwaa /imiís guri dirós i alki/iít. Naagáy inós nee Samueli tari tláy ay dír ta bay Nayoti, tari amoodá' wa hoót.

1 SAMUELI 19:20

Saulo ya/abuuseerós gari male ya/aáw nguwa oohár eer. Ala tawa hardáh dír mukdá' niiná aa burumburiit, gár taa ár a dinkwár aaruusér aririím, nee Samueli an geeraharusmooín. Inooín qeerú AAKOÓ MUNGÚ gina i hardáh niri baraadií haragwaaiyé', tari aariirín sleeme.

1 SAMUELI 19:22

Alhhe'eesaywo Saulo inósuú kilá' ina tláy ay Rama. Iwa hardáh dír hhalangwko úr oo dír yaamaá Seku, heeko guna harati'iít guri yaahaás, «Samueli nee Daudi ta diimá?» Heé wák guri báy, «Ta Nayoti, amoodár Rama.»