1 SAMUELI 19:18 - Biblía Axweesantá Hhohho' ar Mungú 2004

¹⁸ Daudi iri goów, iri /akuút Rama amór Samueli. Kangwdá' sleémeero Saulo ngwaa /imiís guri dirós i alki/iít. Naagáy inós nee Samueli tari tláy ay dír ta bay Nayoti, tari amoodá' wa hoót.

1 SAMUELI 19:18 Iomraidhean Croise

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 15:34

Alaá tihe Samueli iri tláy ay Rama, nee Saulo iri waatláy amór do'ós baraá Gibea.

1 SAMUELI 19:19

Aluuwo Saulo kuri báy, «Ga/aaweek, Daudi i Nayotírí dirii' didá' ta bay Rama.»

1 SAMUELI 19:22

Alhhe'eesaywo Saulo inósuú kilá' ina tláy ay Rama. Iwa hardáh dír hhalangwko úr oo dír yaamaá Seku, heeko guna harati'iít guri yaahaás, «Samueli nee Daudi ta diimá?» Heé wák guri báy, «Ta Nayoti, amoodár Rama.»

1 SAMUELI 19:23

Saulo iri tláy amdár Nayoti baraá yaamaá Rama. Iwa amoodií hardáh, Qeeruú AAKOÓ MUNGÚ guna i hardáh, inós sleeme aari gari iimu/ún qoomár iwa baraá loohírí kahhi, garwa hardáh ay Nayoti baraá yaamaá Rama.

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 21:11

Sagadiyuusér waawutmoó Akishi, waawutmo guri beér, «Heewí a Daudiwookáhe, waawutmoó Israeli? Xáy, a kudá' tar durbaabinkáhe baraá ni/imaro, tawa kaahi, ‹Saulo kumeerós gaa tsuú/, nee Daudi kumeerós ar mibaangw gaa tsuú/.› »

1 SAMUELI 28:3

Qoomaarihe, Samueli aa qaroó gwaá', dír kway fool a dír do'ós baraá Rama. Múk Israeli sleémeero guri satsuunquumiís. Saulo qwaslaarér giaá duxuum nee da/aluuseero baraá ayko gaa tlatlahhaás.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.