1 SAMUELI 18:6 - Biblía Axweesantá Hhohho' ar Mungú 2004

⁶ Qoomár hhawaateedaá slaqwara niwa ki/iyé' baraá slaqwarár wa ale, dinkwa nee Daudi alaá migusmooduú Filisti ta bay Goliati nguwa gaás, /ameena nina ti'ít baraá umuúqo gixsár múk Israeliro, as waawutmo Saulo kuwa al'ay. /Ameena qwal/uwo daa'ángw bara/ guna ót, nee xooslár daa'ango.

1 SAMUELI 18:6 Iomraidhean Croise

2 SAMUELI 1:20

Kaangwí ló' mu ooara' dír Gatiro. Tam ayeemaá Ashkeloniro sleeme mu ooara'. /Ameenár múk Filisti munguwa saqwalaalá/, dasuú múk taa hheehhe'eesiiká miwa baraá/.

2 SAMUELI 6:5

Daudi nee múk Israeli sleémeero ta daa', tari faakamiís ni/imaro ar /uuremoín sleémeero dír geeraá AAKOÓ MUNGÚ. Xoslaá tar daai kina slaáhh kudá' taa tleéhh ar xaa'aá ta/eewi, adór gidaandori nee mariímba nee oowiro nee kayambaro nee mitingiraywo.

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 68:11

Aako axweesantós gana oó', /ameenár yaariir ya/abtór hho' gari ilaharmís.

WARA'AMI 68:25

Daauuse i hháw geera, múk gidaandoori i hháw alu, /amaatliitér mataárír slahhaam i baraá tla/aangw.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

TI'INAANGW 15:21

Miriamu daa'aangw guri ót, «AAKOÓ MUNGÚ sa daa'aak, asma ina baalín ar xirif. Faras nee mukdá' gwaa i tsa/ani gaa kwaáhh baraá tlawi.»

ISAYA 30:32

Umuúqo slahhtá AAKOÓ MUNGÚ dír múk Ashururo tin alkoomaakoná' nee afór puunda nee ar seésero. Inósuú kilá' in slaaqw nee múk Ashuru ar adór dae tlaaq.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

1 SAMUELI 18:5

Daudi umuú dír kwi qoo ya/aawi nee Saulo, umuú gaaro aqo ina qoón. Gawaá adoorihe Saulo guri uráy haniís dír slaqwaruuseerose. Kaangwí muu sleémeero guri saqwalaá/, tam sagadiyuusér Saulo sleeme.