1 SAMUELI 18:5 - Biblía Axweesantá Hhohho' ar Mungú 2004

⁵ Daudi umuú dír kwi qoo ya/aawi nee Saulo, umuú gaaro aqo ina qoón. Gawaá adoorihe Saulo guri uráy haniís dír slaqwaruuseerose. Kaangwí muu sleémeero guri saqwalaá/, tam sagadiyuusér Saulo sleeme.

1 SAMUELI 18:5 Iomraidhean Croise

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

2 SAMUELI 5:10

Daudi iri ak iia tleerúy, asma AAKOÓ MUNGÚ, Munguú Aleesleemusmo, nee inós a dinkwa.

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

2 QOM'I 17:3

AAKOÓ MUNGÚ tari dinkwa nee Yehoshafati, asma inós slaqsoó baabuúwós kuduú geera guna eehár. Inós munguaá hatlá' awa Ba'ali gaa harahhifiiká.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

Efeso 5:17

Gawaá adoorihe ma daktana tleehhitaara', ala masók gar Aako i slai an xuá'.

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

HAR'OHUUSE 1:19

AAKOÓ MUNGÚ múk Yuda guna alee/iís, inooín múk baraá yaamaá tlom'aá hoót nguri guusiyé', ala kudá' baraá xatstá hoót kwa aleeslayká guusaro, asma mukdá' i gaardaá muqslár kón.

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 14:52

Deelo sleémeero ar Saulo tawa waawutmo, slaqwarár hhamhhám kángw kilá' wa ale i daadeer dír múk Filisti nee inose. Umuú qoomaaro Saulo heé /uuruú koóm, laqaá oo migusmo burungwa sláy, gun bartá slaqwaruuseerósií ohaahín.

1 SAMUELI 18:16

Múk Israeli nee oo Yudawo sleémeero Daudi kuna slaá', asma bar taa slaqwarár áy gin geerahaar, laqaá tam bar tindi waatl, taa baalín slaqwaraaro, inós iqo geeraaín.

1 SAMUELI 18:30

Slaqwaruusér Filisti iri slaqwarár eér amór múk Israeli, ala umuúqo qoomár tawa slaqwi, Daudi in baalaalín, sagadiyuusér Saulo ba/a, gawaá adoorihe umuú Daudi iri iia tleerúy.

1 SAMUELI 18:4

Yonatan hiyaywós guna duúx, guri haniís dír Daudi nee xooslár slaqwaraaro, tam paánga nee ga/aleero nee himuú afetloowose.

1 SAMUELI 18:6

Qoomár hhawaateedaá slaqwara niwa ki/iyé' baraá slaqwarár wa ale, dinkwa nee Daudi alaá migusmooduú Filisti ta bay Goliati nguwa gaás, /ameena nina ti'ít baraá umuúqo gixsár múk Israeliro, as waawutmo Saulo kuwa al'ay. /Ameena qwal/uwo daa'ángw bara/ guna ót, nee xooslár daa'ango.

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.