1 SAMUELI 18:25 - Biblía Axweesantá Hhohho' ar Mungú 2004

²⁵ Saulo iri oó', «Daudi kaangwí bawaak, ‹Gár waawutmo i slai kitángw gwaduú dasiirose a tuumboó hhawaataá tsiiruú wák awa Filisti, as li/ayduú wakuusér waawutmo nguwa bui.› » Adoorí an adoodá' Saulo aa qoomeés as kahhó' Daudi kuwa gaasi nee múk Filisti.

1 SAMUELI 18:25 Iomraidhean Croise

IIMU/UUNGW 29:18

Yakobo Raheli gari slaá', Labani guri báy, «Án kuúng kureeraá faanqwe u sagadiyuús, as Raheli, dasiirók tidá' niina ngiwa hanis.»

IIMU/UUNGW 34:12

Tam gwada doogaak, nee qeemuuwo ngi haniís ar adoodá' ngira oé', ala masók dasiirí ngi hanisá' án ngiwa duux.»

2 SAMUELI 3:14

Daudi sleeme ya/abuse gana ya/aáw amór Ishbosheti, garmoó Saulo, iri oó', «Harer'eé' Mikali ki/isang, tidá' gwaduwós naa slaáhh oo tumboó tsiiru oo hhawataá Filisti.»

YOSHUA 5:3

Gawaá adoorihe Yoshua tsiingáruú tlaa/e guri tleéhh, inós múk Israeli guri al/utlín baraá yaamaá Gibea-ha'aralotír wa ale.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 18:17

Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»

1 SAMUELI 18:24

Sagadiyuuseedá' Saulo guna kángw beér adoodá' Daudi ira axweés.

1 SAMUELI 19:1

Saulo garmaawós Yonatan nee mukduú sagadiyuuseerose giri i axweés adór Daudi kur gaasi. Ala Yonatan garmoó Saulo nee Daudi a mulqe kángw kilá' wa ale.