1 SAMUELI 18:23 - Biblía Axweesantá Hhohho' ar Mungú 2004

²³ Sagadiyuuseedár Saulo axweesanaydá' guri hardahás baraá iaá Daudi, inós giri báy, «Kawa xua' a gár inslaáhhe án tawa hhawaatuú dasír waawutmo, asma aníng a heé narkutmo nee oo ia tleereeká?»

1 SAMUELI 18:23 Iomraidhean Croise

IIMU/UUNGW 29:20

Yakobo Labani guri sagadiyuús kureeri faanqw as Raheli ngiwa slay, ala dirose a adór deelór niina as adoodá' Raheli ngira slaá'.

IIMU/UUNGW 34:12

Tam gwada doogaak, nee qeemuuwo ngi haniís ar adoodá' ngira oé', ala masók dasiirí ngi hanisá' án ngiwa duux.»

WARA'AMI 119:141

Aníng ti niiná, ti waaqaqaa'. Tam adoorihe hara'ayarók a gunqareesaaká.

AXWEESANOÓ SAGALOOA 14:20

Narkutmo ku slaiiká tam nee inslaawaywós, Ala daqaarmo ku mulqe yaariír.

AXWEESANOÓ SAGALOOA 29:5

Heé ti sla'atamís dír inslaawmoowós i ale A hima gun baraá istós i qamín.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.

1 SAMUELI 18:18

Daudi Saulo guri báy, «Aníng a heé milá sleeme waawutámo tawa hhawaatuú dasiirók, kuúng tari taatoó hare dir'eene? Baabuúeé' nee tlahhoó doorene a múk iia tleereeká baraá múk Israeliro.»

1 SAMUELI 18:22

Aluuwo Saulo sagadiyuuseerós gari kuútl iri oó, «Áx Daudi i saasahhaak nee ku beera', ‹Waawutmo kuúng ugwa slaá' ta sagadiyuuseerós sleémeero, kuúng una waatlakweés.› Gawaá adoorihe kuúng ma siaar tawa hhawaatuú dasír waawutmo.»

1 SAMUELI 18:24

Sagadiyuuseedá' Saulo guna kángw beér adoodá' Daudi ira axweés.

1 SAMUELI 9:21

Saulo iri oó', «Xáy, aníng oo hhay Benyaminiwóke, tlahhayrén ku iia tleereeká baraá xoorór Israeliro. Slám múk guruú doorén ku niinawekáhe baraá tlahhoó Benyaminiwo? Asma milá ala gár isa adoosíng beér?»