1 SAMUELI 18:17 - Biblía Axweesantá Hhohho' ar Mungú 2004

¹⁷ Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»

1 SAMUELI 18:17 Iomraidhean Croise

2 SAMUELI 11:15

Baraá slambare/idae Daudi gár aa gooín a tí, «Uria hhayuú geera ti qase', didá' slaqwara iwa tsimaamíhh, kuungá' ni alií ki/á', as kahhó' inós kuwa didií gaasi.»

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

WARA'AMI 12:2

Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

AXWEESANOÓ SAGALOOA 26:24

Heé aahhír koóm aahhirós gan luu/ ar axweesanoó hhó' Ala inós kuqo inslaway tlákw baraawose.

AXWEESANOÓ SAGALOOA 26:25

Heé adoorí bir amoorógí axwees ar axweesanoó hhó' mu ya/amaar, asma muunaáwós i haats aahhiro.

AXWEESANOÓ SAGALOOA 26:26

Tam aahhi ka lu/i ar al/ayma Ala tlakweemaadá' iqo geehhouyá' dír geeraá muko.

FAARO 21:14

Kaangwí an gár axweesantí kasa gooín baraá kitaábuú slaqwarár AAKOÓ MUNGÚ, tí kah, «Gixsár Hebu tidár yaamaá Sufa nee xatsoowo. Yaaér Arnoni

FAARO 32:20

Mose giri báy, «Barnaxes adoosíng a tlehhá', hamír kilá' xooslár slaqwara diirír geeraá AAKOÓ MUNGÚ tiwa taatahhe'.

FAARO 32:27

Ala ateékaá sagadiyuuseerók taa amohhe'eesaán slaqwaraaro AAKOÓ MUNGÚ tiwa geerahari. Tay waaraahhaán gayuú yaaér Yordani, nee tay slaqwaán ar adoodá' kuúng ngira ó'.»

FAARO 32:29

Giri báy, «Barnaxes múk tlahhoó Gadi nee oo Reubeniwo taa waaraáhh gayuú yaaér Yordani, nee kuungane nee bar naa slaqwiyé' AAKOÓ MUNGÚ gaa geerahaár, nee slaqwaraaro bara baaliindé', yaamu ngiri hayoté', daqaní yaamaá Gileadi ki hanisá' tawa aalir'ín.

DABE 17:7

Mukduú lamabu'uuse masók an múk gu giiriís tlaqutuwo, naagáy daqaní múk hatlá' ngu aluú wa tsaxaari. Adoorí an adoodá' tlakweema kir hingeesa' baraá tla/angwhunge.

1 SAMUELI 14:49

Daaqoó Saulo a kwí: Yonatan, nee Ishfi, nee Malkishua, nee umér dasuuwós kudá' tsár a tí, umuú tidár baris ku bay Merabu, nee umuú dasír niina ku bay Mikali.

1 SAMUELI 17:25

Múk Israeli tari axweés, tari káh, «Xáy ugwa aandí'i, heé aáng naa ti'iít dír geeraá múk Israeli, ar ló' gár i slai a muu nguwa slahh'eemisi ar /ooslisliingw. Heé heewí gaasaro ngwa aslay waawutmo Saulo gu daqaari'iimár yaariíriír haniis, nee slám gun dasiirósí haniis. Slám múk tlahhoó doó baabuúín guri wangexwaar, gurtleemuú koódi kuri sláy baraá tla/ángw Israeliro.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 17:47

Muu sleémeero laarí oo aa burumburiit gari tsaahh adór AAKOÓ MUNGÚ muu ngur ba/amisiiká ar lawlu nee paangadu. Asma slaqwara ar AAKOÓ MUNGÚ, inós kuungá' sleémeero nun dabaarénií qaas.»

1 SAMUELI 18:21

Saulo baraá inslawaywose ina oó', «Lakiít un dasírií haniís, daqaní kahhó' a loohír ngur oh, án ngi slaá' daqaní kuqo gaas nee múk Filisti.» Gawaá tihe Saulo ki/imaá tsare iri male oó' dír Daudi, «Hám daxta aníng a taatoó hare diroge.»

1 SAMUELI 18:25

Saulo iri oó', «Daudi kaangwí bawaak, ‹Gár waawutmo i slai kitángw gwaduú dasiirose a tuumboó hhawaataá tsiiruú wák awa Filisti, as li/ayduú wakuusér waawutmo nguwa bui.› » Adoorí an adoodá' Saulo aa qoomeés as kahhó' Daudi kuwa gaasi nee múk Filisti.

1 SAMUELI 18:27

Daudi nee mukós tana tláy, hhawaataá múk Filisti awa tsiire tsár kingiri tsuú/, Daudi tumbáy'ín nguri huúw ay dír waawutmo Saulo. Tumbáydá' guri wakeetín faarooro, nguwa hanmisi dír waawutmo Saulo, as kahhó' tawa hhawaatuú dasír waawutmo. Saulo dasiirós tidá' ta bay Mikali gari haniís dír Daudi.

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.

1 SAMUELI 30:26

Daudi iwa kií/ ay Siklagi, bariiseedár Yuda ar mulqeerós gana qeemuú áy, iri oó', «Qeemuuwí naa huúw a kuduú haasaáng oo wakuusér AAKOÓ MUNGÚ.»