1 SAMUELI 18:14 - Biblía Axweesantá Hhohho' ar Mungú 2004

¹⁴ Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 18:14 Iomraidhean Croise

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

2 SAMUELI 5:10

Daudi iri ak iia tleerúy, asma AAKOÓ MUNGÚ, Munguú Aleesleemusmo, nee inós a dinkwa.

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

1 QOM'I 18:13

Inós xafoó slaqwaruuse gway tleéhh baraá yaamaá Edomu, múk Edomu sleémero tari lawaalér waawutmo Daudi tleehhiít. Nee AAKOÓ MUNGÚ Daudi guri baalír i haniís umuú dír aa kayi.

1 QOM'I 18:6

Naagáy Daudi xafoó slaqwaruuseerós guna tleéhh yaamaá Aramu awa Damasko. Múk Aramu tay lawaaleerós tleehhiít, ngway ohmér i huwahuwiyé'. AAKOÓ MUNGÚ Daudi guna baalír i haniís umuú dír aa kayi.

2 QOM'I 17:3

AAKOÓ MUNGÚ tari dinkwa nee Yehoshafati, asma inós slaqsoó baabuúwós kuduú geera guna eehár. Inós munguaá hatlá' awa Ba'ali gaa harahhifiiká.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Tlehhema'aá ya/Abuuse 18:10

Asma aníng nee kuúng a dinkwa. Heé kuúng u i haratláw nee u gaa laáq i kaahh, asma aníng muk'eé' ku yaariír baraá gixsarihe.»

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

HAR'OHUUSE 1:19

AAKOÓ MUNGÚ múk Yuda guna alee/iís, inooín múk baraá yaamaá tlom'aá hoót nguri guusiyé', ala kudá' baraá xatstá hoót kwa aleeslayká guusaro, asma mukdá' i gaardaá muqslár kón.

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 18:15

Saulo ngiwa ár adór Daudi muruuwós ngur tlehhiiti ar inkihhimu, nee ar sagalooa, guri ló'wa da'ayuút.

1 SAMUELI 19:8

Aluuwo slaqwara nina male /awuúr, Daudi iri tláy, iri slaqwarár áy dír múk Filisti, guri ló'wa tsu/aa/ín, oo yaariír kuri hhaamiís, nee oo aa meet iri goów.

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.