1 SAMUELI 18:10 - Biblía Axweesantá Hhohho' ar Mungú 2004

¹⁰ Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 18:10 Iomraidhean Croise

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

1 WAAWITÁ 22:12

Tam aaruusedár hatlá' adoorí gari aaru'uumár wa dúx, tawa kaahi, «Tláw, haraatláw Ramot-gileadi, AAKOÓ MUNGÚ u baalírí haniis.»

YEREMIA 28:11

Hanania iri dír geeraá muu sleémeeró wa oó', AAKOÓ MUNGÚ i kaahi, «Adoorí an adoodá' taaqwantidá' waawutmo Nebukadnesa xoordu sleémeero ngira tsegiít ngir geeqaw, adoorí an tleéhh afiqoomár kureeri tsár awa hi'iitá'.» Naagáy aarusmo Yeremia iri tláy.

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

2 Tesalonike 2:11

Gaarí an gár Mungú inooín ngisa ya/án kiwa qwaareesi, asma inooín lama kana haratlintií' hariímár looeemaá wa ale.

HAR'OHUUSE 16:20

Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.

1 SAMUELI 16:23

Umuú qoomaaro qeeruudá' tlaákw oo Mungú aa ya/aámárí haniís Saulo nguwa i dahi, burngwa áy Daudi gidaandoorirós gan oh, gari slaahh, Saulo qeeruudá' tlaákw guri geemáy. Saulo ba/aay guri sláy.

1 SAMUELI 18:9

Iimír baldá' Saulo Daudi guri ilaá tlákwár ga/áy.

1 SAMUELI 19:10

Saulo Daudi guna muttá wa slaá' ar lawaaladá' baraá koo/írií ale, ala Daudi ina kwirhhiít, Saulo koo/ír tawo gari muút. Daudi iri /úy, iri goów.

1 SAMUELI 19:7

Naagáy Yonatan Daudi guri ateét, umuú gaaro gari alki/iít dír Daudi. Yonatan Daudi guri huúw amór Saulo, Daudi iri malé kií/ baraá gadiyeérós adoodár aáng.

1 SAMUELI 19:9

Qoomár Saulo iwa dír do'ós i dirii'i i lawaalár kón dakose, qeeruudá' tlaákw oo neetlaame kudá' AAKOÓ MUNGÚ aa ya/aámárí haniís guri áy, qoomaadae Daudi i daa' ar gidaandoori.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›