1 SAMUELI 18:1 - Biblía Axweesantá Hhohho' ar Mungú 2004

¹ Qoomár Saulo axweesanto iwa hhe'eés nee Daudi, Yonatan garmoó Saulo Daudi guri ló'wa slaá' baraá muunaáwose, ar adoodá' inós tir kilós slai.

1 SAMUELI 18:1 Iomraidhean Croise

IIMU/UUNGW 44:30

«Gawaá adoorihe bar aga kií/ amór baabuúeé', sagadiyusmoowók, garmaawí u koomaaká, nee slám iltá baabá dír i ga/eer a dír garmaawí,

2 SAMUELI 1:26

Hhiyaeé' Yonátan, aga gurhaamuút as kuúng. Án nee kuúng tin oohaán baraá hotarene, sla'aarirók dir'eene a gár waa/oo/amo, a gár waa/oo/amo ta sla'aarír /ameeni ba/a.

1 QOM'I 12:17

Daudi ngiwa ár gina al'áy, giri báy, «Kuungá' bar nina hardaté' as tawa mulqer'eé' nee iwa alee/isa', do' ló'wa awaare'. Ala kuungá' barnaxes aníng in geewaqatá' dír wakuuser'eene, tam aníng kuungá' na sadakuusiikahe, Munguú baabi'iirén i xumiis nee kuungá' nu iigahhaati.»

WARA'AMI 86:11

AAKOÓ MUNGÚ, án intsaahhatisáng loohiroge, as kahhó' niwa hoot baraá looeemaawók wa ale. Muunuú tsáp oo ilaiwa/ame haniisang.

AXWEESANOÓ SAGALOOA 18:24

Mukko tin ilaqaamiis tawa mulqe, ala mulqumoó ló' i deer tam daa'awmoowós gun alúr kón.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

HAR'OHUUSE 20:11

Hhawaatedaá Israeli sleémeero tiri doogiyé' tari dabe oohiyé' át heé wákár ale as gixsár Gibea kawa i haraatlay.

1 SAMUELI 14:45

Muu Saulo guri báy, «Xáy, Yonatan aqo in gwaái, kudá' arba/atír ur ngaa huuw baraá Israeliro? Tisíng i amoosií pa/ ar adoodá' AAKOÓ MUNGÚ ir daadeér, tam se'eemír wák ar sagós i baloó hu'ká yaamií ale, asma gadiyeérí gana tleéhh ar alee/isoó Mungú.» Gawaá adoriihe mukdá' Yonatan guri tuú/ baraá gwa'araro.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 19:1

Saulo garmaawós Yonatan nee mukduú sagadiyuuseerose giri i axweés adór Daudi kur gaasi. Ala Yonatan garmoó Saulo nee Daudi a mulqe kángw kilá' wa ale.

1 SAMUELI 19:2

Gawaá adorihe, Yonatan Daudi guri báy, «Baabuúeé' aa tsabín kuúng uwa gaasi. Gám ti harmagahh, matlaatleero dír tuwa slayká i nahhaateek.

1 SAMUELI 20:17

Wa'aá hatlae Yonatan Daudi guri báy, «Lo'o /ayeek kuúng bar aníng iqo ló'wa slá'.» Asma inós guna slaá' adór hhiintluwósuú kilá'.

1 SAMUELI 20:8

Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»

1 SAMUELI 22:8

Asma milá kuungá' sleémeero aníng misa geewaaqaté', tam heé wák oo ngi oó' mis kaahh adór garmaaeé' nee garmoó Yese tara al'axweés. Ahaá heé aníng wá gurhamuút mis kaahh, adór garmaaeé' aníng ira safoól dír sagadiyusmooeé' iwa giiri laarí?»

1 SAMUELI 23:18

Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.