1 SAMUELI 17:53 - Biblía Axweesantá Hhohho' ar Mungú 2004

⁵³ Múk Israeli niwa kií/ baraá slaktuú múk Filistiro, xafayduú múk Filisti nguri haasaáng wa hayohiyé'.

1 SAMUELI 17:53 Iomraidhean Croise

2 SAMUELI 23:10

Ala Eleasari ina /aátl tawa slaqwi nee múk Filisti. Dakós iri gan'aasárií xasliít as iwa slahhaá', slám amorqae i paángarós kón. Baalaarihe, AAKOÓ MUNGÚ baalír ur gari sláy. Alaá iwa baalín, múk Israeli iri kií/ ay dír aáng Eleasari i dirii'i, as haasaánguú tawo oo múk Filisti, kudá' taa tsuú/, nguwa leehhiyé'.

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 4:20

Slahh'amaaye tí bira waaráhh ar tidá' ba/a nin ti'ít, yaamu sleémeero naa hhitiruutiyé'. Heemaduurén kaa wa'aá wák ar hhaamiís, nee inqwaruú pe/eeriiwós kuna karslamiís.

1 SAMUELI 17:52

Múk Israeli nee oo Yudawo, tsimahhiro yaamu kiri gaamiís, múk Filisti kuri almaahhaát ay Gati, ay afkú gixsár Ekroni. Múk Filisti oo ta tlaaqaaqán baraá slaqwara wa ale, lohu gina tsataát, iimír Sha'arimu ay Gati nee Ekroni.

1 SAMUELI 17:54

Daudi ságw Goliati guri huúw, ay baraá gixsár Yerusalemu. Ala xosluudaá slaqwara gina qaás baraá xaftós.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»