1 SAMUELI 17:50 - Biblía Axweesantá Hhohho' ar Mungú 2004

⁵⁰ Adoorí an adoodá' Daudi Goliati ngura arbaá/ ar tlaa/ano nee kuukumayi. Daudi Goliati guna tsaxaár guri gaás, ala slám Daudi i paángár konká gawaá dakose.

1 SAMUELI 17:50 Iomraidhean Croise

HAR'OHUUSE 15:15

Samson taqeesmoó daqwaay oo naá/ guri sláy, múk kumuú wák oo Filisti guri tsuú/.

HAR'OHUUSE 3:31

Alaá Ehudiwo Shamgari garmoó Anati kitángw Ehudi guri óh, múk Filisti oo tsiire lahhoó' guri tsuú/ ar hhartá i hikwár de'en. Inós xoorór Israeli sleeme gari tuú/.

1 SAMUELI 13:22

Gawaá adoorihe bál deeloodár slaqwara baraá tla/ángw mukdá' nee Saulo nee Yonatan ti kooma'a, heé gár koóm dako i kaahh, paánga tam lawaala, aqo har Saulo kilós nee garmaawós Yonatan.

1 SAMUELI 17:39

Daudi paángadár Saulo gana dahaás, hi'iitano gari iiár, ala naxés hi'iitano ga aslayká, asma xooslár adór tidá' gaa intsaahhiiká. Daudi Saulo guri báy, «Xooslaarí ngiwa ar slaqwarár aw a aleeslawaaká, asma aga intsaahhiiká.» Gawaá adoorihe xosluudá' giri duúx.

1 SAMUELI 17:49

Daudi dawa guri dahaás baraá tlakwaywós, tlaa/anoó wák guri duúx, guri qaás baraá kuukumayi, Goliati kuri gitsee/a tsaxaár ar tlaa/anoodá', tlaa/anoodá' iri dáh baraá /atuú saga. Goliati iri yaamií huú' ar gura'.

1 SAMUELI 17:51

Daudi iri ta'aaín, iri sihhiít gawaá daanduú Goliati, paángár Goliati gari tuuntsiís, guri isa tsaát iri gwaá'. Múk Filisti kawa ár adór migusmooín kura gaás, tana /akumiít, tari tlatlaáhh.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»

1 SAMUELI 21:9

Ahimeleki guri báy, «Paángár ni koom a tidár heedaáduú Filisti ta bay Goliati, kudá' taa gás baraá xatstá Ela, hanoos diisír alu, kaa tseék baraá naifeéra. Tisíng bar slá', ar tlaweek, asma paángár hatlá' i káhh diirihe.» Daudi iri oó', «Paángár adór tisíng in qo káhh, áx kuúng haniisang.»

1 SAMUELI 23:21

Saulo iri oó', «Kuungaásingá' aníng iga gurtleere' AAKOÓ MUNGÚ nu tsuuqi.