1 SAMUELI 17:4 - Biblía Axweesantá Hhohho' ar Mungú 2004

⁴ Bartá xafayduú múk Filistiro, heé wák oo migusmoó slaqwara nina ti'iít, umuuwós ku bay Goliati, heé gixsár Gati. Inós a heé tleér, tlenaangós a afiqoomoó miíta tám.

1 SAMUELI 17:4 Iomraidhean Croise

1 QOM'I 11:23

Sleeme heeko oo yaamaá Misri guna gaás, heé tlenaango miíta tsár, lawaalár yangaariir ga kón dakose, harmahaywós uraywo a adór xa'anoó ta inqwarúr tlehhahhiti. Ala Benaya guri i haratláy ar hhara, lawaalarós tidá' gari hayóh, heewuú Misri guri gaás ar lawaalarós ar kilá'.

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

1 SAMUELI 17:23

Qoomár Daudi nee hhaeewós tawa axweesi, migusmooduú múk Filisti ta bay Goliati, kuduú Gati, nina ti'iít amór geeraá slawtá múk Israeli adoodá' /iisí aa intsaáhh. /Aymi'iidá' giri iimu/ún kaahaango, Daudi giri axaás sleeme.

1 SAMUELI 17:3

Múk Filisti ina sihhiít gawaá tlom'aá barti'ín, nee múk Israeli ina sihhiít gawaá tloomár barti'ín, gár tla/angw'ín a tlapa.

1 SAMUELI 17:5

Gawaá sagose gár i kon a kofiyár muqslír sirdaa/aat, gawaá da/eewawose muqsli ngaa dahaás, iiloeemaawo a kílo mibeeri kooán nee faanqw.

1 SAMUELI 27:4

Saulo ngiwa axaás adór Daudi ira goów ay Gati, Saulo aa sangw leelehhtuú Daudi ki/iiká.