1 SAMUELI 17:36 - Biblía Axweesantá Hhohho' ar Mungú 2004

³⁶ Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 17:36 Iomraidhean Croise

2 QOM'I 32:17

Waawutmoó Ashuru sleeme barwito'o gana gooín ar AAKOÓ MUNGÚ, Munguú Israeli, nguwa /oosliislín iwa kaahi, «Adoodá' munguaá xoordaá hatlá' muk'ín ngura harslaaqatiyé' ba/amisaro gawaá dabaeene, an adór Munguú Hesekia mukós ba/amisaro ngur aleeslayká gawaá dabaaeene.»

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 36:15

Hesekia mu ale ya/a/amaará' nuwa harahhiifórí qamiín ar AAKOÓ MUNGÚ kuwa harahhifa', iwa kaahi, ‹AAKOÓ MUNGÚ atén ti ba/amis looeemaawo, gixsarí ka hayohiiká nee waawutmoó Ashuru.›

ISAYA 36:18

Magaahhé', Hesekia kuungá' munduwa hhaáf, iwa kaahi, ‹AAKOÓ MUNGÚ atén ti ba/amis.› Xaysé' baraá munguidaá xoorduuwo, Mungú mukós ngwaa tuu/ dír waawutmoó Ashururo i deéro?

ESEKIELI 28:10

Kuúng a gwá' ar gwa'arár heé taa hhehhe'eesiiká gawaá dabaá xoordaá hatlá'. Asma anuú Aakoó MUNGÚ tí aga oó'.»

ESEKIELI 32:19

Inooín ki beer, ‹Xáy, kuungá' hhohhoarto muu unqo ba/á'a? Tlawsé' baraá gi'i! Tundu haragaasi dinkwa nee mukdaádá' taa hheehhe'eesiiká.›

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 2:8

AAKOÓ MUNGÚ Aleesleemusmo, kudá' iga ya/aaw as xirfuuwós daanduú xoorduudá' kuungá' na loohatisi'i i kaahi, «Heé kuungá' naa kwatiit, a maamár iltaeé' gana kwatiít.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 17:10

Heedaáduú Filisti iri kumiít axweesanoó dara/aango, «Laarír kilá' slawtá múk Israeli an slaá' heé wák amor'eé' xu'usare', oo nee aníng ti tlampa'aasá'.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:35

aníng an eehár, nee ngari hara/akuút, deelmoó bee/i oo aa ót, nguri gawaá afkós wa tuú/. Laqaá tam diraangw bar aníng iga hara/akuút aníng taqesamawós in óh nguri gáwtá wa daáhh, nguri gaás.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»

1 SAMUELI 18:17

Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»

1 SAMUELI 31:4

Saulo heewós kudá' xosluuwós kudaá slaqwarár loohiís guri báy, «Paángarók tisíng taatahheek, aníng mutáng, ni gwaá', mukqá' taa hheehhe'eesiiká ló' aníng miwa gaás ar paánga, iri niqín.» Ala heedaádá' xooslaarós loohiís gwaa qiitliiká, asma ina da'ayuút kángw kilá' wa ale. Saulo paángarós gari taataáhh, gari qoomeés gawaawós, gari harahuú'.