1 SAMUELI 17:34 - Biblía Axweesantá Hhohho' ar Mungú 2004

³⁴ Daudi iri oó', «Anuú sagadiyusmoowók aga qaroó intsahhaám bee/ángw baabuúeé' de'eengo. Umuúqo siiwaro bar diraangw naa hardáh, laqaá makiito'ór ta bay duúbu bee/i birnga ót,

1 SAMUELI 17:34 Iomraidhean Croise

IIMU/UUNGW 31:39

Aníng sleerók ar makiito'ór sla/a aa harieér ar naa amór dóí huúw i káhh. Badeérí tari daanduueé'. Kuúng án iri iinús, as ngiwa buu', kaa fiís bar tlaatla/aangw laqaá bar xweera.

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

2 SAMUELI 23:20

Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

1 QOM'I 11:22

Benaya, garmoó Yehoyada, oo Kabse'eli inós a migusmo muruú waa/oo/amo guna tlehhiít. Inós sleeme daaqoó tsár oo Arieli oo Moabu guna tsuú/. Sleeme diraangw guna haraadáh baraá bohoongw qoomaadár tsaaqwaaro gway gaás.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

ESEKIELI 34:12

Adoodá' de'eemusmo bee/aangós kudá' aa diyaya/aat ngur leelehhaahhiti, an adoodá' aníng bee/angw'eé' ngur leelehhiit. Un haraaki/ís umuú dír iqo diyaa/ati, bál huunkáy nee ma/amír a kiqiti.

AMOS 3:12

AAKOÓ MUNGÚ i kaahi, «Adoodá' de'eemusmo ya'aá tsár ngir afkú dirángw wa tu/i, laqaá iiár bee/i ngiwa tu/i, an adoodá' múk niiná oo Samaria ir kotsqoti, kudá' hamí guá' baraá qateenaá hhohhó' wa alé, nee inqwaruú hhohhó' ngwa hhafine'.»

SEKARIA 11:16

Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.

SEKARIA 9:7

Aníng fu'unaydaá tseerdaá koomá' in gawaá afer'ín wa hingeés, nee muruú /aymaadá' ta waki un hingeés gawaá sihhnaaine. Panaydá' aa meet tari oo Munguúrén, inooín tari adór múk guruú doó wák baraá tlahhoó Yudawo, nee múk Ekroni tari adór múk Yebusi.

Luka 2:8

Baraá yaamuudae de'eemuuserka i deer ar baraá tleesantá hoot, nee bee/angw'ín kun xumxaaxún xweeraawo ar baalaqaasi.

Yohana 10:11

«Aníng a de'eemusmoó hhoó'. De'eemusmoó hhoó' slafiingós gun duux as daanduú bee/aangw.

Rumi 5:4

Nee qiqtliingw gár ni huwahuwi a muunuú gawít, nee muunuú gawít gár ni huwahuwi a haraxu'uti.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

Geehhoeemaá 13:2

Makiito'oodá' naa ár slaqsaywós a adór du'uma. Ya'aawós a adór kudá' makiito'ór ta babay duúbu. Afkós a adór kuduú diraangw. Dayshamoodá' úr makiito'oorí gari /uurií haniís, nee kitaangós oo aleesleemuwo, nee gari aleesleemuú yaariír i haniís.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

1 SAMUELI 17:15

Daudi daqtakaro in amór Saulo kaakáy, qoomarkaaro in kaakii/ Betilehemu amór dooín, as bee/ángw baabuúín nguwa de'éngw aa'ay.

1 SAMUELI 17:33

Saulo Daudi guri báy, «Kuúng nee heeqaáquú Filisti tawa slaqwa' a aleesleeraaká. Kuúng a garmoó niiná nee Goliati a heé slaqwara gaa qaroó intsaahh, iimír baraá masoombi'iimarose.»

1 SAMUELI 17:35

aníng an eehár, nee ngari hara/akuút, deelmoó bee/i oo aa ót, nguri gawaá afkós wa tuú/. Laqaá tam diraangw bar aníng iga hara/akuút aníng taqesamawós in óh nguri gáwtá wa daáhh, nguri gaás.