1 SAMUELI 17:28 - Biblía Axweesantá Hhohho' ar Mungú 2004

²⁸ Ala Eliabu, hhiyaadá' úr oo Daudi, ngiwa axaás Daudi iwa axweesi nee muu, iri ló'wa qa/iít as Daudi, iri oó', «Waáy gár nisa amoorí keér? Xáy bee/angwdá' niiná dír heé kwi geexeér baraá sla/ato? Aníng a xuú' iia wasleerók nee da/tá ta koon. Gár nisa baraakií /ét a slaqwara ngina qaytár eér.»

1 SAMUELI 17:28 Iomraidhean Croise

IIMU/UUNGW 37:11

Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

IIMU/UUNGW 37:4

Hhaeewós ngiwa tsaahhiyé' adór Yosefu kur ló' wa slai nee baabá ta inooine, Yosefu kuri ló' wa aáhh, tay sangw waydúr hootiiká.

IIMU/UUNGW 37:8

Hhaeewós nguri bayé', «Xáy, kuúng tin sa waawuti'iínda? Kuúng tin bála?» Kuri ló' wa aáhh as tlataawós nee axweesantós.

2 QOM'I 11:18

Rehoboamu Mahalati dasír Yerimoti garmoó Daudi gari duúx. Aayoorós an Abihaili dasír Eliabu garmoó Yese.

WARA'AMI 35:11

Lamabu'uusér /aytuuse i sakwasleemút, asma muruú ni xuaaká. Muruú ni xuaaká ngun aníng i yaahamiisiyá'.

AXWEESANOÓ SAGALOOA 18:19

Hhiyoó taa buhhtís ku gawít haraki/isaro ta koo/ír gawit ar gixsaro, Ala gila a adór muqslír taa afkú dó' ar tsegaagiti.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

Matayo 10:36

Wakuusér hee a múk do'ósuú kilá'.

Matayo 27:18

Asma inós gaa xuú' adór gár Yesu kungu sa duúx tar da/i.

Marko 3:21

Múk dooín kaangw nguwa axaás tari tláy as kuwa oohi, asma ta kaahi, «Sagós aa hhitiruút.»

Yuda 1:10

Ala mukwí muruudá' ta tsatsahhanká kun /ooslislín. Nee inooín ilatleeridá' taa slaqooín altleéhh ngin eeharahariyá' adoodá' makaá fuqurángw kooma'aaká sleeme i tlehhahhitiya', gawaá adoorihe inooín i hhaná' as hotaá adoorí.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 17:29

Daudi axweesantá aáng gari tlaáxw, «Hám daxta gár naa tlakweés? Gaa sleeme a yaahasaakáhe?»