1 SAMUELI 17:25 - Biblía Axweesantá Hhohho' ar Mungú 2004

²⁵ Múk Israeli tari axweés, tari káh, «Xáy ugwa aandí'i, heé aáng naa ti'iít dír geeraá múk Israeli, ar ló' gár i slai a muu nguwa slahh'eemisi ar /ooslisliingw. Heé heewí gaasaro ngwa aslay waawutmo Saulo gu daqaari'iimár yaariíriír haniis, nee slám gun dasiirósí haniis. Slám múk tlahhoó doó baabuúín guri wangexwaar, gurtleemuú koódi kuri sláy baraá tla/ángw Israeliro.»

1 SAMUELI 17:25 Iomraidhean Croise

ESRA 7:24

Slám nun male babawaan, kaahamuuse nee múk tlahhoó Laáwi nee daauuse, nee xuumuusér afér doó Mungú nee sagadiyuusér doó Mungú a harimaarooká inooín ohme ngiwa hanmiisiya'.

Matayo 17:26

Petro iri oó', «A dír dahaaye.» Yesu iri oó', «Ala bar adoosíng, na/ii ki amohhoo'.

YOSHUA 15:16

Kalebu iri oó', «Heé gixsár Kiriat-seferi ga hayóh aníng u dasir'eé' Aksa i haniís.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.

1 SAMUELI 17:24

Slaqwaruusér Israeli sleémeero Goliati kuwa ár tari goów, asma kuna kángw kilá' wa da'ayuút.

1 SAMUELI 17:27

Muu tari oó', «Gawaá daanduú heedaádá' Goliati gu asláw gaasaro ado aqo tidá' taa geerií ooaán.»