1 SAMUELI 17:10 - Biblía Axweesantá Hhohho' ar Mungú 2004

¹⁰ Heedaáduú Filisti iri kumiít axweesanoó dara/aango, «Laarír kilá' slawtá múk Israeli an slaá' heé wák amor'eé' xu'usare', oo nee aníng ti tlampa'aasá'.»

1 SAMUELI 17:10 Iomraidhean Croise

2 SAMUELI 21:21

Qoomár múk Israeli nguwa niqmisi, kuri gaás nee Yonatan garmoó Shimei, hhiyoó Daudi.

2 SAMUELI 23:9

Heé aluudá' gaa haar a Eliasari, garmoó Dodo, oo tlahhoó Ahohi. Inós a heé wák baraá tla/ángw mukdá' tám oo dinkwa nee Daudi, qoomár múk Filisti kuwa /ooslín, qoomár niwa burumburitiyé' as slaqwara. Múk Filisti kuri ilagoów nee múk Israeli.

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

NEHEMIA 2:19

Aluuwo Sanbalati oo xoorór Horoni nee sagadiyusmoowós Tobia, heé xoorór Amoni, nee Geshemu, kuduú ma/araabumo, kaangwí nguwa axaasiyé' tina waaqasené', tiri waaqaqaaiyé', tari oó', «Gaarí ta tlehhita' a milá? Xáy kuungá' an sla'á'a waawutmo kuwa sia?»

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

1 SAMUELI 17:11

Naagáy Saulo nee slawtós tidár slaqwara ar múk Israeli axweesanoó heedaáduú Filisti kuwa axmiís tari ló'wa da'ayuút, tari amoqwaár kángw kilá' wa ale.

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 17:45

Daudi heewuú Filisti guri báy, «Kuúng nin amor'eé' keér ar paánga nee lawaala nee gaamboót, ala aníng kuúng un i daqáw ar umuú AAKOÓ MUNGÚ Aleesleemusmo, Munguú slawoodaá slaqwaruusér Israeli, kudá' kuúng taa /oosliín.