1 SAMUELI 16:7 - Biblía Axweesantá Hhohho' ar Mungú 2004

⁷ Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 16:7 Iomraidhean Croise

IIMU/UUNGW 4:5

Ala AAKOÓ MUNGÚ kwa qwal/atisiiká nee Kaini, tam nee ilahhooarose. Kaini iri ló'wa buúhh, tam gitsee/aawós niri quyuuiyé'.

2 SAMUELI 14:25

Baraá múk Israeli sleémeero, heé taa iia tleereés hhohh'aariro oo adór Absalomu i kaakaahh. Iimír tsa/aá ya'aawós wa tleemu ay tan/ér sagós, Absalomu ku xaslxaansli wásl.

2 SAMUELI 7:20

Aá Aakoó MUNGÚ, anuú Daudi lawaalmoowók, gár ni male dirógií oo' a milá? Asma kuúng anuúwí oo lawaalmoowók i xú'.

1 WAAWITÁ 8:39

Iia qaaseek, gawaá dooriwo didár hotaawók gurtleemu haniseek, adór hariim tleehheek, umuú heewo adór kus hariím ti tlehh, (asma kuúng kilók inslawoó baraá munér muu un xú'.)

1 QOM'I 17:18

Aá AAKOÓ MUNGÚ, Mungú, gár anuú Daudi hamí ni dook a milá, as sagadiyusmoowók kuwa adoorír xirfayés, kuúng anuú sagadiyusmoowók i xú'.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

2 QOM'I 6:30

kuúng inooín iiárií qaaseek iimír gawaá doorí wa alé nee gurtlaweek. Kuúng kilók iinslawoó muunuú umuúqo hee un xú'. Kuúng tleehheek tidá' hariim dír heewo,

YOBU 10:4

Ahaá ilaawók a adór kuqaá heéwo? Mura' adór kur ara'aan a adoodá' hee ngur ara'ári?

YOBU 35:5

Áx gawaá doori i qaytsitaak, nee huunkaydá' dirhunge gáwtí dirií' xuxuaak.

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

AXWEESANOÓ SAGALOOA 15:11

AAKOÓ MUNGÚ gi'i nee hhituru'uumaro gi ga/áy, Áx alók inslawoó baraá munér muu gun ak xuiikáhe.

AXWEESANOÓ SAGALOOA 16:2

Hee ngiwa xui tlehhmi'iiwós sleémeero i ganaaiyá', Ala AAKOÓ MUNGÚ munér muu gan xuuxu'ún.

AXWEESANOÓ SAGALOOA 24:12

Barnaxes a kat, «Kangwsíng mur xuú'.» Ahaá kudá' inslawaay gwa tleehh kuúng u ga/aykáhe? Ahaá kudá' hhiintluuwók gu de'eém kangwsíng gu xuiikáhe? Ahaá inós umuúqo heewo gu buiikáhe ar harqoomoó tlehhimi'iiwós?

AXWEESANOÓ SAGALOOA 31:30

Kaloó hhoohhó' i al/agín, nee hhohhoaari a tawo Ala /ameenír kilá' a tidá' AAKOÓ MUNGÚ gu ilaiwawaa/.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

YEREMIA 20:12

Aá AAKOÓ MUNGÚ Aleesleemusámo, kuúng múk gan'amuú koóm un iiaraa'át, kuúng muruú baraá munér muu nee oo baraá inslawaywo u ga/eér. Aníng masók an ár wakuuser'eé' kawa li/áy bu'. Asma tí aníng nga máw gawaá dabaawók i aleeró.

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Yohana 7:24

Muu mu sakwasleemuutara' ar barqaanti, ala sakwasleema na tlehhitaak ar loohír ganaa'.»

Yohana 8:15

Kuungá' hee un sakwasleemutá' ar tlehhemi'iiwós kudá' ta ara'aanda'. Ala aníng hee u sakwasleemuutaaká.

Tlehhema'aá ya/Abuuse 1:24

Mungú kuri firín, tari oó', «Aáko, kuúng munér muu sleémeero a xú', dír mukwí tsare heé kuúng taa tsawát laqaamang,

2 korinto 10:10

Asma kuungá' daqtakaaro a kata', «Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.»

2 korinto 10:7

Kuungá' muruudá' dír geeraahúng i dirií' na ga/aawaak. Xáy, hee i deéro oo ti haraxuú' adór inós tar heé Kristo? Bir deer, adoosíng i qoón. Ala inós gár kuwa hariím a kaangwí nguwa aldakwi adór atén sleeme tar múk Kristo adór inós wa ale.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.

1 SAMUELI 9:2

Kishi garmoó masoomo gu kón, umuuwós a Saulo, garmoó hhoohhoó', baraá múk Israeliwo heé adór inós ga áw i kaahh hhohh'aariro. Inós a heé tleér muu sleémeero ba/a, asma birta alqoomeesiyé' muu sleémeero dír suumarós gan i qwaqwadín.