1 SAMUELI 16:5 - Biblía Axweesantá Hhohho' ar Mungú 2004

⁵ Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.

1 SAMUELI 16:5 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

1 WAAWITÁ 2:13

Aluuwo Adonia garmoó Hagiti ina hardáh dír Bat-sheba aayír Solomon. Inós iri ó', «Xáy, Adonía, gaa ka hhoóe?»

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

Yoeli 2:16

Muu burumburaare', dinku'uuma ka hhohhooeesá', bariise burumbuuraare', na/ii burumburaak tam kudá' du'uumá'. Garmoó aa duuxun ni hardihi, tam dasír taa duúx sleeme.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

FAARO 11:8

Muu ina harweerirín as ngiwa sleemisi nee ngiwa burumbuurina', aluuwo kari xoosl laqaá kan tu'uut baraá kune, nee kari qaas baraá hutlaay nee maandasi kuri tleehh. Tsuaarirós a adór mandaásoó taa garangaár ar di/i.

1 Korinto 11:28

Gawaá adoorihe umuúqo heewo ti kilós alqaytsiti, daqaní mukaatmo ngu /ayi nee gár baraá xooslmoodá' ngi wahi.

YOSHUA 3:5

Yoshua muu guri báy, «Gimsé' ti kiloohúng hhoohhoese', asma matlo AAKOÓ MUNGÚ muruú waa/oo/amo gu tleehh baraá tla/angwhúng wa ale.»

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

1 SAMUELI 20:26

Baalaadae, Saulo gár aa oó' i káhh, ina baraawósí oó', «Doóqa gár gwaa ila/ i deer, dooqa laarí i harinká /aymarí ngiwa ay, ala looeemaawo kuqo tsuwa hhoohhoeeká.»