1 SAMUELI 16:21 - Biblía Axweesantá Hhohho' ar Mungú 2004

²¹ Naagáy Daudi iri daqáy amór Saulo, iri sihhiít dír geeraawós, guri sagadiyuús. Saulo guri waatlakweés kángw kilá' wá alé, guri tsawaár tawa heé xooslaarós ar slaqwara ga amohhe'eemiís.

1 SAMUELI 16:21 Iomraidhean Croise

IIMU/UUNGW 41:46

Yosefu a heé kureeri mibeeri tám qoomár waawutmo Farao oo Misri sagadiyeede nguwa iimu/ún. Yosefu ina baraá doó waawutmo Farao wa ti'iít, yaamaá Misri sleémeero giri alhi'iimiít.

1 WAAWITÁ 10:8

Múk amohhoó' a mukók, nee sagadiyuuseerók tí sagalooarók ga axamiis deelo sleémeerowo.

WARA'AMI 118:9

A gár hhoo' AAKOÓ MUNGÚ kuwa haragop, ta geeraharuusér yaamu kawa harahhifa.

WARA'AMI 146:3

Geeraharuusér muu ma harahhifaara', hee mu harahhifaara' asma dír heewo ba/ama i káhh.

WARA'AMI 62:9

Muu a adór hiinsluú tawo, tam múk ta ilaiwawa/i a tawo sleeme. Iilooeemaaín bira alqoomés i hakwaaiyá', sleémeero dinkwaaro ki islahh ta hiinsluwo.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

DABE 1:38

Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

HAR'OHUUSE 9:54

Siiwadár kilae Abimeleki garmaadá' xooslarós ar slaqwara ga loohiís guri báy, «Paánga taataahheek, aníng gaasáng, muu matawa oó', ‹A /ameeni guna gás.› » Naagáy garmaadá' guri muút ar paánga, paánga iri bartaqár ti'ít, iri gwaá'.

1 SAMUELI 16:22

Saulo iri ya/abín amór Yese iri oó', «Na'ás Daudi haniisang, i dír dooeé' wa hooti, gadiyér'eé' ngi wa tleehhi. Asma aníng ugwa waatlakweés.»

1 SAMUELI 17:15

Daudi daqtakaro in amór Saulo kaakáy, qoomarkaaro in kaakii/ Betilehemu amór dooín, as bee/ángw baabuúín nguwa de'éngw aa'ay.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 19:7

Naagáy Yonatan Daudi guri ateét, umuú gaaro gari alki/iít dír Daudi. Yonatan Daudi guri huúw amór Saulo, Daudi iri malé kií/ baraá gadiyeérós adoodár aáng.