1 SAMUELI 16:14 - Biblía Axweesantá Hhohho' ar Mungú 2004

¹⁴ Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.

1 SAMUELI 16:14 Iomraidhean Croise

2 SAMUELI 7:15

Ala sla'aarir'eé' ar warqawaaká a hingeesaaká dirose, adór ngira hingeés dír Saulowo, kudá' naa hiingeés geeraawók wá ale.

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

1 WAAWITÁ 22:22

AAKOÓ MUNGÚ iri oó', ‹Adór kur al/ak a adoomá?› Inós iri oó', ‹Aníng an tláw aaruuseerós sleémeero ngay lamuuse tleéhh.› AAKOÓ MUNGÚ iri oó', ‹Kuúng al/aymaro u aleesleér, tláw, adoosíng tleehheek.›

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.

HAR'OHUUSE 16:20

Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.

HAR'OHUUSE 16:29

Samson iri tliintií' gawaá uheemidá' tsár, kudá' do' ngwaa gáwtí oohiye', dakós oo doó /iyáy i gawaá uhumoó wák nee oo doó basáy i gawaá kuqá'.

HAR'OHUUSE 9:23

Aluuwo Mungú wakaari gay qaás tla/ángw Abimeleki nee múk Shekemu, inooín Abimeleki nguri si'iyé'.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 16:15

Sagadiyuusér Saulo, Saulo guri beér, «A xuaán hám qeeruudá' tlaákw oo Mungú naa ya/aámárí haniís dirógí ale daxta kuúng u dawiitimiis.

1 SAMUELI 16:16

Hám daxta, kuúng aakoorén, sagadiyuuseerók ya/aaweek, hee kungu leeleehhi oo gidaandoori slahhto ga baál, qoomár qeeruudá' tlaákw tinda ya/án nee Mungú bura i hardáh, daqaní heewí daa'aangw ngun slaahh ar gidaandoori kuúng ba/aay kuri sleér.»

1 SAMUELI 16:23

Umuú qoomaaro qeeruudá' tlaákw oo Mungú aa ya/aámárí haniís Saulo nguwa i dahi, burngwa áy Daudi gidaandoorirós gan oh, gari slaahh, Saulo qeeruudá' tlaákw guri geemáy. Saulo ba/aay guri sláy.

1 SAMUELI 18:10

Looaytleérose qeeruudá' tlaákw oo Mungú aa ya/aámárií haniís, Saulo guri gaanslár áy, naxés Saulo ina amoqwaár baraá do'ose adór heé aa pungahhamuut. Qoomár Daudi gidaandoori ngiwa slaáhh adoodá' i /imamisi, Saulo lawaala gari taataáhh.

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.

1 SAMUELI 28:15

Samueli iri oó' dír Saulo, «Ahaá waáy misa gononoár eér as iwa amoorír gáwtí tsa/ás?» Saulo guri báy, «Aníng a baraá slahh'amú úr, as múk Filisti niwa slaqwarár áy amor'eé', nee Mungú iga alaá xu'ús i mu/aywatsinká ar loohír tlata tam aaruseero. An gár án kuúng usa ateét as kahhó' iwa xu'utis gár aníng wa hariim tleehhamooro.»