1 SAMUELI 16:13 - Biblía Axweesantá Hhohho' ar Mungú 2004

¹³ Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 16:13 Iomraidhean Croise

2 SAMUELI 12:7

Natani Daudi guri báy, «Heé tlehhmuuwí an kuúng! Hám daxta AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx ar di/i as tawa waawutmo, uri tuú/ gawaá dabaá Saulowo.

2 SAMUELI 2:4

Múk Yuda tari daqáy ay Hebroni, amór Daudi, kuri iimbalaáx ar di/i kuwa waawutmooín wa qaasi. Daudi ngiwa axaás adór Saulo kura foól nee múk Yabesh-gileadi,

2 SAMUELI 23:1

Gaarí an axweesantá Daudi ar alhhe'eesaay. A ya/abtór Daudi, garmoó Yese, ya/abtór heé taa uráy wa qaás nee Mungú. Munguú Yakobo, Daudi guna tsawaár guri waawutmoó wa qaás. Nee inós a daausmoó wara'amtá tsuu' baraá Israeliro.

2 SAMUELI 5:3

Naagáy bariise sleémeero ar múk Israeli iri daqeér Hebroni dír waawutmo Daudi. Inós al'axweesani gari oó' dir'íní ale, dír geeraá AAKOÓ MUNGÚ wa ale. Daudi kuri iimbalaáx ar di/i tawa waawutmoó Israeli.

2 WAAWITÁ 9:6

Naagáy inooín tsaraawo tari dáh baraá tla/afi nee aarusmo Yehu guri saga di/tí tsiririxiís nee guri báy, «AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx as uwa waawutmoó wa qaás daanduú muk'eé' oo Israeli.

1 QOM'I 11:3

Aluuwo bariisér múk Israeli sleémeero tay daqáy dír waawutmo Daudi baraá Hebroni. Inós alqado giri oó' dir'ín geeraá AAKOÓ MUNGÚ wa ale. Inós kway iimbalaáx as tawa waawutmoó múk Israeli, ar adoodá' AAKOÓ MUNGÚ ngira oó' dír Samueli.»

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

WARA'AMI 89:21

Dakw'eé' oo /uuruú koóm a dinkwa nee inós daqisleém, inós /uuru gu sláy dir'eé' wa ale.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Tlehhema'aá ya/Abuuse 13:22

Aluudae Mungú Saulo guri hingeés, Daudi guri qaás tawa waawutmooín. Daudiwí a kudá' Mungú aa lamabu'ún iwa kaahi, ‹Aníng Daudi ugwa ár, garmoó Yese. Inós a heé muunaáeé' gwa qwal/atis. Slám inós an kudá' sla'aarir'eé' sleémeero ga tleéhh.›

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

HAR'OHUUSE 13:25

Qeeruú AAKOÓ MUNGÚ guri /uurií haniís iwa baraá Mahanedanír i dirii'i, tla/ángw Sora nee Eshtaoli.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 18:12

Saulo Daudi guri da'ayumiiít, asma Daudi a dinkwa nee AAKOÓ MUNGÚ, ala Saulo kwaa sií' nee AAKOÓ MUNGÚ.

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.