1 SAMUELI 16:12 - Biblía Axweesantá Hhohho' ar Mungú 2004

¹² Yese hee guri ya/aaw, garmaadá' kunguri amor'íní huúw. Garmaadá' a heé slaqwa hhoó', ku ila hhohhó', slaqwatós ka tsataari hho'. AAKOÓ MUNGÚ iri oó', «Kwí an kudaádá', gím sihhiít iimbalaxeek di/to.»

1 SAMUELI 16:12 Iomraidhean Croise

IIMU/UUNGW 39:6

Potifa umuúqo gaaro gari baraá dabaá Yosefu i qaás, tam inós gár tiwa sa daawitimiís i káhh, aqo har muruú /aymár i /ayi kilós. Yosefu a heé ló'wa hhoohhoó'.

2 SAMUELI 23:1

Gaarí an axweesantá Daudi ar alhhe'eesaay. A ya/abtór Daudi, garmoó Yese, ya/abtór heé taa uráy wa qaás nee Mungú. Munguú Yakobo, Daudi guna tsawaár guri waawutmoó wa qaás. Nee inós a daausmoó wara'amtá tsuu' baraá Israeliro.

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 WAAWITÁ 1:34

Daqaní amoodae kaahamusmo Sadoki nee aarusmo Natani ngu di/tár iimbalaaxiye', as tawa waawutmoó Israeli, tarumbeéta ka ufahhá' ta oa'. ‹Waawutmo Solomon i hootaatin.›

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 78:70

Daudi guna tsawaár, sagadiyusmoowós, gway leéhh baraá qawtantá bee/aangw.

TI'INAANGW 2:2

/Ameenidá' iwa tsít na/oó garma guri xwayluúr. Na/aydá' nguwa aán tawa na/oó ló'wa hhoohhoó', guri lú/ ay slahheeri tám.

DAA'AANGW 5:10

Sla'aarusmooeé' ku ló'wa hhoohhoó' nee in /uuruú kón. Inós ku iia tleér tla/ángw hhawaataá kumér mibaango.

WA/AA/I 4:7

Geeraharuuseerós ka hhohho' ta tlaa/aá tluwaywo, ka /awak ta ilwaawo, slaqooín ki da/aten taa nyaányuwo, ki tsataari hho' adór tlaa/aá sirbo/.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

Tlehhema'aá ya/Abuuse 4:27

Asma tí a ló', Herode nee Pontio Pilato, nee múk xoordu nee múk Israeli, tana baraá gixsárí burumburiít, as sagadiyusmoowók Kudá' hhoohhoó', Yesu, kudá' kuúng taa iimbalaáx ar di/i.

Tlehhema'aá ya/Abuuse 7:20

Qoomaadae Mose kuri laqwaál. Inós ku ló'wa hhoohhoó' dír geeraá Munguhe, kuri umín doó baabuúwose slahheeri tám.

Ebrania 11:23

Xwaylitér Mose a múk haratlintaaór koóm. Na/ay'ín Mose kuri luú/ har afi qoomár slahheeraá tám alaá xwaylarose. Asma na/aay kuna ár naxés a na/oó hhoohhoó' kángw kilá' wa ale. Gawaá adoorihe taa da'ayuutiiká tam hara'ayár waawutmo si'imaawo.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 17:42

Heedaáduú Filisti iwa qaytsiít, Daudi nguwa ár guna waaqaá', asma a masoomoó niiná slám ku hhoohhoó'.

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»

1 SAMUELI 9:17

Tam Samueli Saulo nguwa sa ár, AAKOÓ MUNGÚ Samueli guri báy, «Heewí an kudá' kangós naa kuúng báw, kwí an kudá' muk'eé' gu sawaawuti'iím.»