1 SAMUELI 16:11 - Biblía Axweesantá Hhohho' ar Mungú 2004

¹¹ Samueli Yese guri báy, «Daaqaywók sleémeero i diiríhe?» Inós iri oó', «Kudá' niiná dir'ine i kaahh, aa meét baraá de'éngw bee/aangw.» Naagáy Samueli Yese guri báy, «Muu ya/aweek kungu huwi, atén a yaamií iwiitanaaká ay dír garmaasíng ni amoorí hardihi.»

1 SAMUELI 16:11 Iomraidhean Croise

2 SAMUELI 13:3

Ala Amnoni i mulqumoó kón, ku bay Yonadabu, garmoó Shama, hhiyoó Daudi. Yonadabu a heé kángw kilá' wa fuqurángw koóm.

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 QOM'I 17:7

«Gimáy daxta sagadiyusmooeé' Daudi ku beer, ‹Anuú AAKOÓ MUNGÚ oo Aleesleemusmo a kah: Aníng kuúng una leéhh baraá de'éngw bee/aangw, nee uri heé úr wa qaás dír xooror'eé' ar Israeliro.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

1 SAMUELI 16:10

Yese daaqaywós faanqwamaawo guri waarahhamaamiís ar dír geeraá Samueli, Samueli Yese guri báy, «Kuká' AAKOÓ MUNGÚ gaa tsawaariiká.»

1 SAMUELI 17:28

Ala Eliabu, hhiyaadá' úr oo Daudi, ngiwa axaás Daudi iwa axweesi nee muu, iri ló'wa qa/iít as Daudi, iri oó', «Waáy gár nisa amoorí keér? Xáy bee/angwdá' niiná dír heé kwi geexeér baraá sla/ato? Aníng a xuú' iia wasleerók nee da/tá ta koon. Gár nisa baraakií /ét a slaqwara ngina qaytár eér.»