1 SAMUELI 16:1 - Biblía Axweesantá Hhohho' ar Mungú 2004

¹ AAKOÓ MUNGÚ Samueli guri báy, «Ay xaylá Saulo ku alee/a/amamiin, bar aníng inós ugwa qaroó sií' múk Israeli nguwa sawaawuti'in? Xarmo di/to dalaa/eek, tlaatláw, aníng kuúng u gan'aás ay doó Yese, heé yaamaá Betilehemu. Asma baraá tla/ángw daaqaywose waawutmo ugwa sláw.»

1 SAMUELI 16:1 Iomraidhean Croise

1 WAAWITÁ 8:16

‹Iimír baldá' muk'eé' kwí oo Israeli nguwa duúx baraá yaamaá Misriro, gixsár naa tsawaár baraá yaamaá Israeliro as dooeé' nguwa tleehh i káhh, tidá' daqaní umuueé' kuwa baraadá' wa sluufmiisi, aqo har Daudi una tsawaár muk'eé' oo Israeli nguwa sawaawuti'in.›

2 WAAWITÁ 9:1

Qoomaarír kilae aarusmo Elisha heé wák baraá tla/ángw eeharuusér aaruuseero guri ateét, guri báy, «Ti amohhe'es Ramot-gileadi keemuuwo. Aree chupiito'ór di/i,

2 WAAWITÁ 9:3

Daqaní chupiito'ór di/i ka taatáhh, ku saga iimbaláx ar di/i nee ku beer, ‹AAKOÓ MUNGÚ i kaahi, aníng kuúng ugwa iimbalaáx ar di/i as tawa waawutmoó Israeli.› Adoorí bara hhe'és, daqaní afkú do' ku gwét, ta gaanslár ta'aaiín.»

2 WAAWITÁ 9:6

Naagáy inooín tsaraawo tari dáh baraá tla/afi nee aarusmo Yehu guri saga di/tí tsiririxiís nee guri báy, «AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx as uwa waawutmoó wa qaás daanduú muk'eé' oo Israeli.

1 QOM'I 11:3

Aluuwo bariisér múk Israeli sleémeero tay daqáy dír waawutmo Daudi baraá Hebroni. Inós alqado giri oó' dir'ín geeraá AAKOÓ MUNGÚ wa ale. Inós kway iimbalaáx as tawa waawutmoó múk Israeli, ar adoodá' AAKOÓ MUNGÚ ngira oó' dír Samueli.»

1 QOM'I 28:4

Tam adoorihe AAKOÓ MUNGÚ, Munguú Israeli, aníng ina tsawaár dír doó baabuúeene tawa waawutmoó múk Israeli kureerisleém. Tlahhoó Yuda guna tsawaár as iwa waawuti'in, nee baraá doó Yudawo guruú doó baabuúeé' gway tsawaár, baraá daaqoó baabuúeene aníng ina gurií baá/, iri waawutmoó múk Israeli wa qaás.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 55:4

Ga/aaweek, aníng ugwa geeraharusmoó xoordú wa qaás, nee geeraharusmoó slaqwaruuse as aníng iwa lamabu'un dír muko.

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 6:30

Inooín ki bay, «Baa/ír peésa ar taa kwaáhh,» asma anuú AAKOÓ MUNGÚ inooín iga sií'.

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

SEKARIA 4:14

Aluuwo iri oó', «Gaarí a múk tsár oo taa iimbalaáx ar di/i oo sihhmiít bihhaá AAKOÓ MUNGÚ yaamu sleémeero wa ale.»

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Ebrania 11:32

Hám daxta gár ni malé oo' asma qooma i bu'utaká ar kángw Gideoni nguwa alki/iit, nee oo Baraki nee oo Samsoni nee oo Yefta nee oo Daudi nee oo Samueli nee oo aaruuseero.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 15:26

Samueli Saulo guri báy, «Án nee kuúng a baloó alki/anaaká, asma axweesantá AAKOÓ MUNGÚ aga sí', AAKOÓ MUNGÚ kuúng ugwa sií' tawa waawutmoó múk Israeli.»

1 SAMUELI 15:35

Samueli nee Saulo tay baloó ari'iiká ay gwa'ararós, ala Samueli Saulo guna ale/aa/amaamín. AAKOÓ MUNGÚ iri gwadidín, asma adoodá' Saulo nguwa waawutmoó múk Israeli wa qaás.

1 SAMUELI 16:15

Sagadiyuusér Saulo, Saulo guri beér, «A xuaán hám qeeruudá' tlaákw oo Mungú naa ya/aámárí haniís dirógí ale daxta kuúng u dawiitimiis.

1 SAMUELI 16:23

Umuú qoomaaro qeeruudá' tlaákw oo Mungú aa ya/aámárí haniís Saulo nguwa i dahi, burngwa áy Daudi gidaandoorirós gan oh, gari slaahh, Saulo qeeruudá' tlaákw guri geemáy. Saulo ba/aay guri sláy.

1 SAMUELI 17:12

Daudi a garmoó Yese, oo hhay Efrati oo baraá Betilehemúr Yuda. Yese daaqaywós a dakaát. Qoomár Saulo tawa waawutmo, Yese a heé aa din, kureeriiwo bariisér ayaawós ga baa/.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»