1 SAMUELI 15:6 - Biblía Axweesantá Hhohho' ar Mungú 2004

⁶ Saulo múk Keni guri báy, «Gimsé', tlawé' ti paratle' dír múk Amalekiro, aníng kuungá' munduwa dinkwaárí hhaamiís nee inooín, asma kuungá' múk Israeli una hhoeemáy tlehhé' qoomár niwa ti'iitiyé' Misrír wa ale.» Naagáy múk Keni tari tláy, tiri paraatliyé' dír múk Amalekiro.

1 SAMUELI 15:6 Iomraidhean Croise

IIMU/UUNGW 15:19

yaamaá múk Keni, nee múk Kenisi nee múk Kadmoni,

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

1 QOM'I 2:55

Tlahh'aá goouuse kudá' baraá yaamaá Yabesír hootá', a kuká': Múk Tirati, nee oo Shimeati nee múk Sukati. Mukwí oo Keni oo xwaylár Hamati, inós an aakoó tlahhoó Rekabu.

TI'INAANGW 18:19

Gím daxtá, hara'ayar'eé' iiárií qaaseek, Mungú masók a dinkwa nee kuúng. Kuúng gadiyeérók a an sihhít dír geeraá Mungú as daanduú mukwí, nee axweesanoó gawdén un amoorós i huwaahúp.

AXWEESANOÓ SAGALOOA 9:6

Iimiboo/arók tisíng maweek as tawa hot, hoót adór heé muruú tsatsahhaám.»

FAARO 16:34

Múk Israeli sleémeero kudá' didií tsewén /aa/eeín ngiwa axaasiyé' tarí goów tawa kaahi, «Atén yaamu mitiwa gu/iyé' sleeme.»

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

2 Timoteo 1:16

Aako múk doó Onesiforo ngu gurtleemuú i haniisi. Asma daqtá yaariire inós aníng i gurkwa/mamis, tam tsegmueé' kwí aníng tiwa tseék gu sa murumiitiiká sleeme.

Geehhoeemaá 18:14

Án kiíng i baw, «Mamaá xaai kudá' muunaáwók i slai naa ilaawók wa qwaariyé'. Muruuwók sleémeero kudá' tlaxo urén nee kudá' xirfuú koóm, aa ilaawók wa qwaár sleeme. Nee slám muruuwí muu gu baloó ariiká.»

HAR'OHUUSE 1:16

Xwaylár Keni, taatoó harér Mose, nina gáwtí tsa/ané' iimír baraá gixsadár slaansla, dinkwa nee múk Yuda, tay dáh baraá xaanxoó Yuda, kuduú baraá Negebu bihhaá yaamaá Aradi, inooín nay tlayé', niri alhootiyé' nee múk yaamuudá'.

HAR'OHUUSE 4:11

Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.

HAR'OHUUSE 5:24

Yaeli harér Heberi oo tlahhoó Keni ka tsuuqi ta /ameena sleémeero. Ka tsuuqi ta /ameena sleémeero ar baraá heémár hoota.

1 SAMUELI 15:5

Saulo gixsár Amaleki gari haradáh, iri baraá xatstá wa giír.

1 SAMUELI 27:10

Akishi Daudi guri báy, «Laarí nee múk bartá amá aga slaqwe'?» Daudi iri oó', «A yaamaá Negebúr Yuda,» laqaá «Negebúr Yerame'eli,» laqaá «Negebúr múk Keni.»

1 SAMUELI 30:29

nee oo múk Rakali, nee oo múk gixsadaá Yerame'eli, nee oo múk Keni,